Вы тут

Нацыянальную стратэгiю ўстойлiвага развiцця дапрацуюць


Аб гэтым паведамiў намеснiк старшынi Савета Рэспублiкi, нацыянальны каардынатар па Мэтах устойлiвага развiцця Анатоль Iсачанка падчас абмеркавання з пастаянным каардынатарам ААН у Беларусi Iаанай Казана-Вiшнявецкi i членамi краiнавай каманды ААН у Беларусi пытанняў супрацоўнiцтва.


Перагаворы прайшлi ў фармаце вiдэаканферэнцыi. Як паведамляе прэс-служба верхняй палаты парламента, былi разгледжаны вынiкi ўзаемадзеяння нашай краiны i ААН па пытаннях дасягнення Мэт.

— Мы цэнiм магчымасць нашага супрацоўнiцтва i ўдзячныя за праекты, накiраваныя на падтрымку рэалiзацыi Мэт устойлiвага развiцця ў Беларусi, — адзначыў Анатоль Iсачанка.

У рамках партнёрства з агенцтвамi ААН у краiне сфармiравана i эфектыўна функцыянуе нацыянальная архiтэктура кiравання працэсам дасягнення Мэт устойлiвага развiцця, адбылiся значныя мiжнародныя i нацыянальныя мерапрыемствы. З удзелам экспертаў ААН, Савета па ўстойлiвым развiццi, парламенцкай i партнёрскай груп па МУР вялася работа над праектам Нацыянальнай стратэгii ўстойлiвага развiцця Беларусi да 2035 года.

— Яна сфармiравана, але з-за сiтуацыi, якая склалася, iснуючых сёння ў свеце выклiкаў асобныя кiрункi неабходна будзе дапрацаваць, — падкрэслiў ён.

Падчас перагавораў размова таксама iшла аб новым сумесным праекце па падтрымцы намаганняў Беларусi ў нацыяналiзацыi i лакалiзацыi МУР.

— Важна, што ён будзе накiраваны на вырашэнне актуальных задач: падтрымку нацыянальнай сiстэмы дасягнення МУР, арганiзацыю далейшай работы па зборы i апрацоўцы статыстычных даных, улiчваць рэгiянальныя аспекты, — удакладнiў нацыянальны каардынатар па МУР.

Iаана Казана-Вiшнявецкi звярнула ўвагу на тое, што рэалiзаваныя з Беларуссю сумесныя праекты з'яўляюцца ўнiкальным прыкладам узаемадзеяння ў сферы падтрымкi архiтэктуры па МУР на нацыянальным узроўнi.

— Мы вельмi зацiкаўлены ў тым, каб працягваць сумесную работу, — заявiла яна.

У сваю чаргу прадстаўнiк Праграмы развiцця ААН у Беларусi Аляксандра Салаўёва дадала, што новы праект, якi плануецца запусцiць з нашай краiнай, «дазваляе адказваць на патрэбы, якiя ўзнiклi ў сувязi з эпiдэмiялагiчнай сiтуацыяй».

— ПРААН прыцягвае дадатковыя сродкi на барацьбу з пандэмiяй, працуе з шэрагам мiнiстэрстваў Беларусi. Прымаюцца меры па рэагаваннi на сацыяльна-эканамiчныя наступствы эпiдэмiялагiчнай сiтуацыi, прыцягненнi новых тэхналогiй, развiццi валанцёрскага руху, узаемадзеяннi з Беларускiм таварыствам Чырвонага Крыжа, нашымi партнёрамi, у тым лiку з Расii, — падкрэслiла яна.

У цэлым Аляксандра Салаўёва канстатавала, што вынiкi па дасягненнi МУР у Беларусi адчувальныя i значныя, яны пазiтыўна ацэньваюцца мiжнароднай супольнасцю.

Загаловак у газеце: З папраўкай на выклiкi

Выбар рэдакцыі

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СТРАЛЕЦ. Ад таго, як сплануеце тыдзень, залежыць, ці паспееце завяршыць важныя справы. 

Грамадства

Як навучыць дзіця рацыянальна карыстацца грашыма? Парады псіхолага

Як навучыць дзіця рацыянальна карыстацца грашыма? Парады псіхолага

Дзіцяці абавязкова трэба ведаць: Што такое грошы? Навошта яны патрэбны?