Сваякі з аграгарадка Замасточча адправіліся на невялікім трактары на калгаснае поле і там скралі рулон сена вагой 400 кілаграмаў.
Калі мужчыны вярталіся са здабычай дадому, на іх бяду насустрач ім ішоў работнік адміністрацыі гаспадаркі. Ён адразу зразумеў, адкуль сена, і сказаў, што яго трэба вярнуць ці пакінуць тут жа. Вяскоўцы выгрузілі скрадзенае і паехалі ў бок аграгарадка.
Як паведамляе аддзяленне інфармацыі і грамадскіх сувязяў УУС Віцебскага аблвыканкама, праз пару гадзін яны вярнуліся і зноў паспрабавалі забраць здабычу. Праўда, іх зноў чакала расчараванне: сустрэча ўсё з тым жа прадстаўніком сельгасарганізацыі. Мужчына застаўся вартаваць рулон і зноў стаў патрабаваць не чапаць чужую маёмасць. На гэты раз браты не сталі яго слухаць і прыгразілі пабіць, калі ён стане ім перашкаджаць. Напалоханы мужчына звярнуўся ў міліцыю. Праваахоўнікі вярнулі сена ў гаспадарку, а ў дачыненні да падазраваных распачата крымінальная справа.
Сяргей РАСОЛЬКА
Мерапрыемства праводзіцца на добраахвотнай аснове.
Не выявіць ні секунды абыякавасці.
