Вы тут

Каштоўны падарунак


Ліепайская беларуская суполка “Мара” ў дар ад расійскіх сяброў атрымала юбілейнае выданне “Книга Памяти. Латвия”, прысвечанае 75‑годдзю Перамогі над нацысцкай Германіяй і краінамі гітлераўскай восі


Віктар Янцэвіч з кнігай ля Помніка абаронцам Ліепаі

Памяць пра Вялікую Перамогу нельга дзяліць паміж рознымі краінамі, народамі, якія ў часе Другой сусветнай вайны ўдзельнічалі ў векапомным змаганні з жорсткім ворагам. І чальцы Ліепайскай беларускай суполкі “Мара” заўсёды аддаюць даніну павагі героям. Так было й сёлета. Напярэдадні Дня Перамогі мы паўдзельнічалі ў цырымоніі ўскладання кветак на Брацкім пахаванні, што на Цэнтральных могілках Ліепаі. Якраз у тым месцы Генеральны консул Расіі ў Ліепаі Аляксей Беланосаў і ўручыў кіраўніку суполкі “Мара” Віктару Янцэвічу выданне “Книга Памяти. Латвия”.

Цяпер мы з цікавасцю вывучаем каштоўны падарунак. Некаторыя матэрыялы адкрываюць зусім новыя для нас звесткі — бо час ідзе, і многія дэталі з ваеннай гісторыі горада паступова сціраюцца. “Книга Памяти. Латвия” — гэта найбольш сучаснае й поўнае выданне архіўных матэрыялаў пра ваенныя дзеянні ў ходзе Другой сусветнай вайны на тэрыторыі Латвіі. А яны, нагадаю, пачаліся з абароны Ліепаі (тады Лібавы): яе мужна трымалі савецкія войскі ў няроўным змаганні з войскамі вермахта 22–29 чэрвеня 1941 года. Заканчвалася ж вайна ў Латвіі капітуляцыяй рэшткаў групы армій “Поўнач” у Курляндскім катле — было тое 10 мая 1945 года.

“Книга Памяти”, расказалі нам расійскія сябры, складаецца з трох тамоў. Праца складальнікамі кнігі праведзена каласальная. У выданні сістэматызаваныя ды ўвекавечаны савецкія мемарыялы, помнікі, месцы пахаванняў салдат, якія загінулі ў часе Вялікай Айчыннай вайны на тэрыторыях трох цяперашніх прыбалтыйскіх краін: Літвы, Латвіі ды Эстоніі. Прычым латвійскі том стаў самым аб’ёмным у Балтыі: у ім 620 старонак. Для параўнання, выданне пра Літву — гэта 468 старонак, пра Эстонію — 398. І таму ёсць тлумачэнне: менавіта баі за вызваленне Латвіі ад нацыстаў былі надзвычай жорсткія, ішлі за кожны плацдарм.

“Книга Памяти. Латвия” ўтрымлівае й фатаграфію нашага супляменніка-беларуса Пятра Іванавіча Купрыянава, копію яго ўзнагароднага ліста: пасмяротна ўраджэнцу Жодзіна было прысвоена высокае званне Героя Савецкага Саюза. У газеце “Голас Радзімы” ўжо расказвалі мы пра тое, што суполка “Мара” летась узяла шэфства над месцам гібелі Героя — пры хутары Лідумніекі Скрундскага краю.

Анжэла Фаміна, г. Ліепая

Фота: Сяргей Пятроў

Нумар у фармаце PDF

Выбар рэдакцыі

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СТРАЛЕЦ. Ад таго, як сплануеце тыдзень, залежыць, ці паспееце завяршыць важныя справы. 

Грамадства

Як навучыць дзіця рацыянальна карыстацца грашыма? Парады псіхолага

Як навучыць дзіця рацыянальна карыстацца грашыма? Парады псіхолага

Дзіцяці абавязкова трэба ведаць: Што такое грошы? Навошта яны патрэбны?