У Віцебскі РАУС звярнулася пенсіянерка 1939 года нараджэння, якая паведаміла, што з кватэры пры невядомых абставінах здзейснены крадзёж 2700 долараў. Жанчына захоўвала грошы ў тайніку і не правярала іх захаванасць амаль год.
Супрацоўнікам крымінальнага вышуку ўдалося хутка ўстанавіць падазраваную ў здзяйсненні крадзяжу. Ёю аказалася сядзелка, якая ўвесь час прыходзіла ў кватэру пацярпелай. Высветлілася, што яе нанялі па аб'яве ў газеце для таго, каб даглядаць за пажылой жанчынай, паведамляе аддзяленне інфармацыі і грамадскіх сувязяў УУС Віцебскага аблвыканкама.
Па словах падазраванай, будучы таксама на пенсіі, яна вырашыла трохі падпрацаваць, а калі выпадкова знайшла чужыя грошы, не ўтрымалася ад спакусы іх забраць сабе. Частка скрадзенага яна ўжо паспела патраціць. Заведзена крымінальная справа.
Сяргей РАСОЛЬКА
Прэв'ю: sarbc.ru
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».