Вы тут

Падрабязная інструкцыя, як выпісаць «Звязду» праз інтэрнэт


Расказваем, як падпісацца на «Звязду» праз інтэрнэт за 10 крокаў.

Усе фота клікабельныя.

1. Заходзім на сайт «Белпошты».

Спачатку нам трэба зарэгістравацца. Для гэтага ў правым верхнім кутку старонкі трэба выбраць пункт «Уваход».

Павінна адкрыцца наступнае акно.

Перш чым перайсці да інтэрнэт-падпіскі, трэба будзе зарэгістравацца. Неабходна выбраць ваш статус, увесці нумар тэлефона, e-mail і пароль.

Вам павінна прыйсці SMS ад адпраўніка «BELPOST.BY», У ім будзе змяшчацца код, які неабходна ўвесці ў адпаведнай форме. Таксама неабходна пацвердзіць e-mail.

2. Выбіраем раздзел «Падпіска».

3. Далей выбіраем сервіс «Інтэрнэт-падпіска». На яго вядзе гіперспасылка.

4. У радок «Пошук па выданнях» уводзім назву «Звязда» або наш індэкс. Патрэбны індэкс можна даведацца з табліцы на папярэдняй старонцы. Таксама можна перайсці да выдання адразу па спасылцы або праз індэкс.

Разгледзім пошук па назве. Калі вы ўсё зрабілі правільна, у вас старонка мусіць выглядаць наступным чынам.

5. Тут трэба звярнуць увагу на тое, што ў пошуку выпадаюць дзве карткі «Звязды». Гэта правільна, ніякай памылкі тут няма. Справа ў тым, што пры кліку на правую картку вы зможаце падпісацца на дадатак «Мясцовае самакіраванне» разам з пятнічным нумарам «Звязды». Атрымліваць гэты нумар вы будзеце раз на тыдзень па пятніцах. Пры кліку на левую картку вы можаце аформіць падпіску на класічны фармат - 5 разоў на тыдзень.

Разгледзім далейшае афармленне на прыкладзе класічнага фармату. Афармленне на пятнічны нумар «Звязды» разам з «Мясцовым самакіраваннем» выглядае аналагічна.

Мусіць адкрыцца наступная старонка.

6. Выбіраем патрэбнае паўгоддзе і шчоўкаем на кнопку «Дадаць адрас падпіскі». Тут нам прапануюць два варыянты — першы мае на ўвазе афармленне падпіскі пенсіянерам або ветэранам Вялікай Айчыннай вайны. Другі — усім астатнім. Выбіраем яго і трапляем на старонку, дзе можна дадаць колькасць месяцаў падпіскі, камплектаў, тып дастаўкі — у паштовую скрыню карыстальніка. у абанементную скрыню ці да запатрабавання. Афармленне заказу заканчваецца кнопкай «Дадаць у кошык».

7. Калі Вы ўсё зрабілі правільна, то сістэма Вам пра гэта паведаміць, а ўнізе старонкі з’явіцца радок «Кошык», дзе будзе адлюстравана сума, неабходная да аплаты, і кнопка «Перайсці». Націскаем гэтую кнопку і трапляем на старонку, дзе можна адрэдагаваць заказ пры яго неабходнасці — нешта дадаць, нешта выдаліць, змяніць колькасць камплектаў.

Старонка выглядае наступным чынам. Калі вы канчаткова вызначыліся ў сваёй замове, націсніце кнопку «Аформіць».

8. Адкрыецца раздзел «Вашы заказы». Вам трэба шчоўкнуць па радку з Вашым заказам.

9. Тут трэба ўвесці прозвішча, імя, імя па бацьку, адрас дастаўкі і пагадзіцца з дамовай аферты. Калі ўсё зроблена правільна — перад вамі з’явіцца такая старонка.

10. Націскаем кнопку «Перайсці да аплаты» і аплочваем.

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.