Вы тут

Мінадукацыі: Набор у дзіцячыя сады абмежаваны ў сувязі з эпідсітуацыяй


У сувязі з эпідсітуацыяй набор у дзіцячыя сады абмежаваны, паведаміла БЕЛТА начальнік галоўнага ўпраўлення агульнай сярэдняй, дашкольнай і спецыяльнай адукацыі Міністэрства адукацыі Святлана Уклейка.


«У сувязі з існуючай эпідэміялагічнай сітуацыяй набор ва ўстановы дашкольнай адукацыі абмежаваны», — сказала Святлана Уклейка.

Начальнік галоўнага ўпраўлення нагадала, што накіраванне ў дзіцячыя сады выдаецца мясцовымі выканаўчымі і распарадчымі органамі з улікам норм напаўняльнасці груп і ў адпаведнасці са спісам дзяцей, якія маюць патрэбу ў атрыманні дашкольнай адукацыі. Разам з тым, паколькі Міністэрствам аховы здароўя была ўстаноўленая забарона на перавод з групы ў групу і прыём новых дзяцей ва ўстановы дашкольнай адукацыі ў перыяд эпідэміялагічнага ўздыму захваральнасці на інфекцыю COVID-19, такія накіраванні не выдаваліся і прыём дзяцей не ажыццяўляўся.

«Міністэрствам аховы здароўя дадзены тлумачэнні аб тым, што забараняецца пераводзіць з групы ў групу і прымаць новых дзяцей у сады толькі ў той перыяд, калі ва ўстанове дашкольнай адукацыі рэгіструюцца выпадкі інфекцыі COVID-19 або не скончыўся перыяд правядзення санітарна-супрацьэпідэмічных мерапрыемстваў у сувязі з рэгістрацыяй такіх выпадкаў», — дадала Святлана Уклейка.

Прэв’ю: knews.by

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…