Вы тут

Новаўвядзенні ў заканадаўстве прадугледжваюць барацьбу з наркагандлем у кіберпрасторы


Адпаведны законапраект разглядаецца на пасяджэнні другой сесіі Палаты прадстаўнікоў Нацыянальнага сходу Беларусі сёмага склікання.


Як растлумачыў журналістам член Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы Ігар Завалей, асаблівая ўвага надаецца барацьбе з наркагандлем у кіберпрасторы — так званым даркнэце, дзе рэалізуюцца асноўныя аб’ёмы наркотыкаў. 

«Гэта ніша, у якой трэба працаваць разам, бо крыніцы, серверы знаходзяцца на тэрыторыі розных краін, і адна Беларусь з гэтым злом не справіцца», — падкрэсліў дэпутат.

Па яго словах, паколькі сучасны наркагандаль сышоў у кіберпрастору, асноўныя змяненні ў закон закрануць менавіта гэты від дзейнасці.

Дэпутат звярнуў увагу, што псіхатропныя рэчывы сёння часцей за ўсё становяцца штучнымі.

«Тут немалаважна вызначыць віды лабараторый: якія яны вырабляюць наркотыкі — і кансалідаваць намаганні па барацьбе. Пагадненне, прынятае ў 2000 годзе, састарэла і маральна, і тэхнічна, бо наркагандляры выйшлі на цалкам іншы ўзровень як у вытворчасці, так і ў рэалізацыі наркотыкаў», — упэўнены Ігар Завалей.

Пры гэтым ён адзначыў, што на тэрыторыі Беларусі вырабляюцца невялікія аб’ёмы наркотыкаў. Але праз наркатрафік частка забароненых рэчываў «асядае» ў нашай краіне. І гэта яшчэ адна прычына, чаму змагацца дзяржавы мусяць разам.

Пры падрыхтоўцы законапраекта аб ратыфікацыі Пратакола аб унясенні змяненняў ў Пагадненне аб супрацоўніцтве дзяржаў — удзельнікаў Садружнасці Незалежных Дзяржаў у барацьбе з незаконным абаротам наркатычных сродкаў, псіхатропных рэчываў і прэкурсараў вывучаны досвед дзяржаў бліжняга замежжа, Кітая. 

Варвара МАРОЗАВА

Прэв'ю: depositphotos.com

Выбар рэдакцыі

Грамадства

Крэпасць духу. 10 натхняльных храмаў Гродзеншчыны

Крэпасць духу. 10 натхняльных храмаў Гродзеншчыны

Гэта культурнае багацце прыцягвае ў краіну масу падарожнікаў. 

Грамадства

Як правільна аднаўляцца пасля COVID-19?

Як правільна аднаўляцца пасля COVID-19?

Нават у лёгкай форме перанесеная каранавірусная інфекцыя не праходзіць для арганізма бясследна.

Калейдаскоп

Усходні гараскоп на наступны тыдзень

Усходні гараскоп на наступны тыдзень

СТРАЛЕЦ. Ад таго, як сплануеце тыдзень, залежыць, ці паспееце завяршыць важныя справы. 

Грамадства

Як навучыць дзіця рацыянальна карыстацца грашыма? Парады псіхолага

Як навучыць дзіця рацыянальна карыстацца грашыма? Парады псіхолага

Дзіцяці абавязкова трэба ведаць: Што такое грошы? Навошта яны патрэбны?