На наступным тыдні ў эфіры тэлеканала гледачоў чакае паказ двух фільмаў айчыннай вытворчасці.
8 чэрвеня прыхільнікам мастацкага кіно прапануецца кінастужка Віктара Турава «Я родам з дзяцінства» (Беларусьфільм, 1966), што апавядае пра пакаленне хлопцаў, якім давялося перажыць Вялікую Айчынную вайну, дачакацца Перамогі і ўвайсці ў дарослае жыццё з вопытам страты блізкіх і з надзеяй на шчаслівую будучыню. Фільм быў адзначаны на Кінафестывалі рэспублік Прыбалтыкі, Беларусі і Малдавіі ў 1967 годзе прэміямі «За найлепшую рэжысёрскую работу» і «За найлепшую жаночую ролю» (Ніна Ургант). Дарэчы, гэта адзін з тых твораў кінематографа, у акцёрскі склад якога ўвайшоў Уладзімір Высоцкі, а ў самой карціне гучаць яго песні.
А 12 чэрвеня ранішні эфір «Культуры» адкрые мастацкі фільм «Маё каханне», зняты ў 1940 годзе рэжысёрам Уладзімірам Корш-Сабліным. Кінастужка апавядае гісторыю кахання маладых людзей, якая складаецца, нібы пазл, насуперак усім жыццёвым абставінам, бо менавіта ўменне застацца побач з каханым чалавекам у складанай сітуацыі і ёсць адзін з тых крытэрыяў, якія дапамагаюць галоўнай гераіні зразумець, хто ёсць хто на самай справе.
Алена ДРАПКО
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».