У выніку ўцечкі спатрэбілася дапамога ратавальнікаў, паведамляе МНС.
Ранкам ім паступіла паведамленне аб уцечцы невядомага газу каля вёскі Стоневічы. Па папярэдніх дадзеных, мужчына разам са знаёмым ехалі на аўтамабілі для здачы металалому ў прыёмны пункт. У нейкі момант яны адчулі з’едлівы пах, які зыходзіў з прычэпа, усярэдзіне якога знаходзіліся пяць металічных балонаў з невядомым змесцівам.
Пасля гэтага яны з’ехалі з дарогі ў лясны масіў каля вёскі Стоневічы і спыніліся, адчапіўшы прычэп. Затым мужчыны выявілі ўцечку неўстаноўленага газу з балона, пасля чаго паведамілі аб гэтым па тэлефоне 112. Ратавальнікі правялі абследаванне месца здарэння і асадзілі аблокі распыленай вадой. Аддзяленнем хіміка-радыяцыйнай абароны МНС было вызначана, што ўнутры балонаў знаходзіцца хлор.
Работнікамі МНС пашкоджаны балон быў змешчаны ў металічную ёмістасць з вадой. Ён і яшчэ чатыры іншых будуць дастаўлены на склад часовага захоўвання ў раённы філіял «Азот-агра». Пагрозы для насельніцтва няма. Адзін з мужчын, адчуўшы нядужанне і галавакружэнне, звярнуўся па дапамогу да медыкаў. Пасля агляду ўрачамі быў шпіталізаваны для кантролю ва ўстанову аховы здароўя.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
