Вы тут

Атэставаць кіраўнікоў прадпрыемстваў ЖКГ будуць па новых правiлах


Раней кiраўнiкi прадпрыемстваў ЖКГ таксама праходзiлi атэстацыю ў дзяржаўным цэнтры «Жылком», але цяпер iстотна змянiўся падыход да гэтага. Новыя правiлы прадугледжаны дырэктывай № 7 «Аб удасканальваннi i развiццi жыллёва-камунальнай гаспадаркi краiны» i пастановай Саўмiна № 187 ад 31 сакавiка 2020 года.

— Цяпер правядзенне прафесiйнай атэстацыi прынцыпова адрознiваецца ад таго, што было раней, — прэтэндэнты на кiруючыя пасады ў сферы ЖКГ абавязкова павiнны праходзiць атэстацыю, — тлумачыць дырэктар ДЦ «Жылком» Кацярына ГАРБАЧОВА. — У пастанове ўрада ўжо дакладна прапiсаны пасады i галiны, па якiх будзе праходзiць атэстацыя. Пры гэтым новыя правiлы датычацца i прадпрыемстваў прыватнай формы ўласнасцi.

Напрыклад, усяго адзначана шэсць галiн, па якiх прэтэндэнт будзе здаваць экзамен. Па якой з iх канкрэтна — будзе залежаць ад сферы дзейнасцi прадпрыемства. Пры гэтым хтосьцi можа здаваць экзамен адразу па ўсiх, а хтосьцi — толькi па адной галіне.

Абавязкова прайсцi атэстацыю павiнны тыя, хто прэтэндуе на пэўную пасаду ў арганiзацыi, якая ажыццяўляе эксплуатацыю жылога фонду i (цi) аказвае жыллёва-камунальныя паслугi (напрыклад, ЖЭУ цi ТУ). Сярод такiх пасад — дырэктар, яго намеснiкi, галоўны iнжынер, некаторыя начальнiкi структурных падраздзяленняў, старшыня праўлення таварыства ўласнiкаў i iншыя. Напрыклад, той жа старшыня праўлення ТУ, згодна з Жыллёвым кодэксам, павiнен праходзiць атэстацыю яшчэ да ўзгаднення яго на пасаду ў мясцовых органах улады. Здаць экзамен павiнен i той, хто плануе стаць прадстаўнiком дзяржаўнага заказчыка ў сферы ЖКГ — напрыклад, у Мiнску гэта КУП «ЖКГ». Тут атэстацыя датычыцца дырэктара, яго намеснiка, галоўных iнжынера i эканамiста прадпрыемства, начальнiкаў пэўных структурных падраздзяленняў.

Першую атэстацыю ў «Жылкоме» праходзiлi дзевяць чалавек. Адзiн з iх прэтэндаваў на пасаду старшынi праўлення ТУ i паспяхова прайшоў атэстацыю. Восем астатнiх планавалi заняць пэўныя пасады ў арганiзацыях ЖКГ, але iм удалося здаць экзамен толькi па адной вобласцi з усiх заяўленых — трэба будзе з'явiцца на атэстацыi яшчэ раз i лiквiдаваць прабелы.

— Калi спецыялiст вырашыць змянiць месца работы, але сфера дзейнасцi застанецца тая ж, то зноў праходзiць атэстацыю яму не трэба. Калi ж, напрыклад, галоўны iнжынер ЖЭУ пажадае перайсцi на такую ж пасаду, але ў арганiзацыю, якая займаецца вывазам цвёрдых камунальных адходаў, то экзамен ён павiнен будзе здаць зноў, але ўжо па iншых кiрунках, — адзначае Кацярына Гарбачова.

Валерыя КIСЛАЯ

Прэв'ю: hrhelpline.ru

Выбар рэдакцыі

У свеце

На краі бездані. Чаму Латвію захліснула пандэмія?

На краі бездані. Чаму Латвію захліснула пандэмія?

У Латвіі ўведзены жорсткі лакдаўн, каб прыпыніць распаўсюджванне COVІD-19.

Эканоміка

З «шэрымі» выплатамі цяпер лепш не рызыкаваць

З «шэрымі» выплатамі цяпер лепш не рызыкаваць

КДК выявілі 30 злачынстваў па выплаце зарплаты ў канвертах.

Эканоміка

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

Іван Крупко: Забеспячэнне харчовай бяспекі — найважнейшы напрамак нацыянальнай палітыкі

 У краіне завяршаецца уборачная кампанія, скончана сяўба азімых культур.