Вы тут

Як на Палессі водзяць «Кусту» і хлеб пякуць


20 чэрвеня творчая група праграмы «Жывая культура» запрашае гледачоў «Беларусь 3» паназіраць за старадаўнім абрадам «Ваджэнне Кусты», запіс якога адбыўся на свята Святой Тройцы ў аграгарадку Лобча Лунінецкага раёна.


Здымачная група сацыякультурнага тэлеканала разам з вядучай Кацярынай Ваданосавай працягваюць ствараць жывую відэаэнцыклапедыю па старонках спіса нематэрыяльных гісторыка-культурных каштоўнасцяў Беларусі. Чарговым пунктам назначэння творчай экспедыцыі стаў аграгарадок Лобча, дзе дагэтуль на другі дзень Святой Тройцы мясцовыя жыхары ладзяць старажытнаславянскі абрад — «Ваджэнне Кусты».

«Кустай» палешукі з даўніх часоў называюць дзяўчыну, адну з самых прыгожых у вёсцы, у святочны дзень абвітую паверх традыцыйнага адзення галінкамі і свежым зялёным лісцем, з вялікім вянком на галаве — яна сваім вобразам увасабляе не толькі юнацтва, але і непарыўную сувязь з продкамі. Праз абрад, які суправаджаецца шанавальнымі траецкімі спевамі, дзяўчына далучаецца да жанчын старэйшага пакалення і сімвалічна ўваходзіць у дарослае самастойнае жыццё. Святочная працэсія на чале з «Кустай» наведвае сялянскія двары, жадаючы гаспадарам здароўя, дабрабыту і багатага ўраджаю. Лічыцца, што там, дзе пабывала «Куста» на Святую Тройцу, усё будзе добра, і таму паўсюль ёй адчыняюць дзверы.

Убачыць аўтэнтычны абрад тэлегледачы сацыякультурнага тэлеканала змогуць у суботу, 20 чэрвеня, а 10-й гадзіне. А 27 чэрвеня ў новым выпуску праграмы тэлегледачы даведаюцца пра традыцыю выпечкі грачанага хлеба ў вёсках Маларыцкага раёна.

Нагадаем, што праект «Жывая культура» выходзіць на «Беларусь 3» з чэрвеня 2018-га. За гэты час свет убачыла больш за 50 арыгінальных выпускаў. Кожная новая праграма распавядае пра асобны элемент спіса нематэрыяльных гісторыка-культурных каштоўнасцяў, уключанага ў Дзяржаўны спіс гісторыка-культурных каштоўнасцяў Беларусі (сёння ён складаецца з 92 элементаў). У далейшым творчая група «Жывой культуры» плануе ахапіць усе элементы спіса, а таксама тыя, што будуць дапаўняцца з цягам часу.

Алена ДРАПКО

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.