Вы тут

Ці можа інтэрнэт-крама вызначаць мінімальны кошт заказу?


На сайце віртуальнай крамы размешчана інфармацыя для пакупнікоў аб мінімальнай суме заказу ў 30 рублёў. То-бок яна папярэджвае, калі сума будзе меншая, заказ не прымуць і, адпаведна, тавар не даставяць. Ці мае права гандляр на такія дзеянні? З гэтым пытаннем мы звярнуліся ў Міністэрства антыманапольнага рэгулявання і гандлю.


Як высветлілася, такія дзеянні віртуальнага гандляра не стасуюцца з законам «Аб ахове правоў спажыўцоў» і Правіламі продажу тавараў па ўзорах. Згодна з законам спажывец мае права на свабодны выбар тавараў належнай якасці ў зручны для яго час з улікам рэжыму работы гандляра. Таксама заканадаўча забаронена абумоўліваць набыццё тавару абавязковым набыццём іншых тавараў.

Абмежаванні па суме пакупкі (у тым ліку ў інтэрнэт-краме), якія замацоўвае гандляр, супярэчаць гэтым нормам, паколькі абмяжоўваюць права спажыўца на свабодны выбар тавару па колькасці, а таксама прымушаюць спажыўца да заказу іншых тавараў, якія ён і не планаваў набываць.

Але ёсць адзін нюанс, і яго трэба ведаць. Гандляр (у тым ліку і віртуальны) мае права вызначыць умовы бясплатнай дастаўкі тавару. Напрыклад, пры набыцці тавараў на адпаведную суму (яе гандляр вызначае самастойна) яны дастаўляюцца спажыўцу бясплатна.

Вольга АЛЯКСАНДРАВА

Загаловак у газеце: «А на меншае я не згодны!»

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.