Вы тут

Міністры і чыноўнікі здавалі кроў напярэдадні Сусветнага дня донара


Беларускі Чырвоны Крыж і РНПЦ трансфузіялогіі і медыцынскіх біятэхналогій арганізавалі сумесную акцыю па бязвыплатнай здачы крыві «Бяспечная кроў выратоўвае жыццё», прымеркаваную да Сусветнага дня донара, які адзначаецца заўтра. У ёй узялі ўдзел нераўнадушныя беларусы, прычым сярод іх былі міністр аховы здароўя Уладзімір Каранік, міністр працы і сацыяльнай абароны Ірына Касцевіч, кіраўнік беларускага бюро Сусветнай арганізацыі аховы здароўя Батыр Бердыклычаў, генеральны сакратар Беларускага таварыства Чырвонага Крыжа Вольга Мычко, кіраўнік офіса ЮНФПА ў Беларусі Вольга Атрошчанка, кіраўнік Савета Беларускай асацыяцыі ўрачоў Дзмітрый Шаўцоў, старшыня асацыяцыі лёгкай атлетыкі Вадзім Дзевятоўскі.


12 чэрвеня ў РНПЦ трансфузіялогіі і медыцынскіх тэхналогій больш людна, чым звычайна. Пасля традыцыйнай ужо апошнім часам працэдуры вымярэння тэмпературы на ўваходзе наведвальнікам прапануюць запоўніць анкету. Сярод донараў са стажам і тыя, хто прыйшоў упершыню. Напрыклад, міністр працы і сацыяльнай абароны Ірына Касцевіч.

— Гэта мой першы крок — удзел у такой акцыі. У нас даўняе і цеснае супрацоўніцтва з Чырвоным Крыжом, таму мы з работнікамі міністэрства вырашылі падтрымаць гэту ініцыятыву, здаць кроў у імя здароўя людзей, дзеля выратавання жыццяў, — падзялілася Ірына Анатолеўна.

Яшчэ адзін донар, кіраўнік беларускага бюро СААЗ Батыр Бердыклычаў, адзначыў, што забеспячэнне якаснай і бяспечнай крывёй — дастаткова вострае пытанне ва ўсіх краінах свету, бо патрэба ў крыві і яе кампанентах штодзённая. Ён падкрэсліў, што ў Беларусі гэты працэс пастаўлены на сістэмную аснову.

Генеральны сакратар Беларускага таварыства Чырвонага крыжа Вольга Мычко падкрэсліла, што забор крыві ажыццяўляецца з захаваннем усіх мер бяспекі, растлумачыўшы, што сёлетняя сітуацыя не дазволіла правесці традыцыйныя выязныя мерапрыемствы. Пры гэтым каля 60 валанцёраў і супрацоўнікаў Чырвонага Крыжа пажадалі далучыцца да акцыі.

У 2019 годзе каля 100 тысяч чалавек сталі донарамі крыві, пры гэтым кожны пяты з іх — упершыню. За апошнія чатыры гады колькасць донараў у Беларусі вырасла на 15 %. Павялічылася і колькасць ганаровых донараў — іх ужо каля 65 тысяч. Штодзень у донарскія пункты па ўсёй краіне прыходзіць каля 1,5-2 тысяч чалавек.

Сёння за адну данацыю плазмы (600 мілілітраў) выплачваецца ад 150 рублёў. Пры гэтым у арганізм донара вяртаюць клеткі крыві — эрытрацыты і трамбацыты, а таксама запаўняюць фізрастворам забраны аб'ём плазмы. Донар цэльнай крыві атрымлівае 111 рублёў за адну данацыю. Акрамя таго, донар крыві і яе кампанентаў мае права на два выхадныя (у дзень данацыі і любы дзень па ўзгадненні з наймальнікам цягам двух гадоў). Гэтыя дні аплачваюцца ў памеры сярэдняга заробку за папярэднія два месяцы. Тым, хто здае кроў бязвыплатна, выплачваецца каля 24 рублёў на харчаванне, акрамя таго, донар мае права на два выхадныя дні (адзін з іх не аплачваецца).

Як расказаў загадчык аддзялення нарыхтоўкі крыві ў выязных умовах РНПЦ трансфузіялогіі і медыцынскіх біятэхналогій Антон Свірскі, ужо каля 160 чалавек сталі донарамі імуннай плазмы, якая выкарыстоўваецца для лячэння пацыентаў з COVІD-19. Некаторыя з іх ажыццявілі па дзве-тры данацыі і рыхтуюцца да чацвёртай. Ва ўсіх донараў, хто перахварэў на каранавірусную інфекцыю, у той ці іншай ступені знаходзілі антыцелы. Большасць такіх донараў здае плазму бязвыплатна.

Алена КРАВЕЦ

Фота БелТА

Загаловак у газеце: Выратаваць іншыя жыцці

Выбар рэдакцыі

Палітыка

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Аляксандр Лукашэнка: У нас адна дзяржава, адзін закон і агульная гістарычная памяць на ўсіх

Спецыяльна дзеля свята кіраўнік дзяржавы раней вярнуўся з Душанбэ, дзе прымаў удзел у саміце АДКБ — ШАС. 

Культура

Музейшчыкі паказалі, як на галоўную вежу Старога замка ў Гродне нанеслі зграфіта

Музейшчыкі паказалі, як на галоўную вежу Старога замка ў Гродне нанеслі зграфіта

Гісторыка-археалагічны музей у Гродне апублікаваў на сваім YouTube-канале відэа, як стваралі зграфіт

Грамадства

Як пазбегнуць вучэбных перагрузак?

Як пазбегнуць вучэбных перагрузак?

Кожнаму з бацькоў хочацца, каб яго дзіця было рознабакова развітым, паспяховым у будучым. 

Грамадства

Адрасы адзінства: Як адзначылі свята ў розных кутках краіны

Адрасы адзінства: Як адзначылі свята ў розных кутках краіны

У кожным з гарадоў адкрываліся памятныя знакі, праходзілі экскурсіі і мітынгі.