Вы тут

У пятнiцу да нас завiтае марское паветра


Ужо традыцыйна ў пачатку лета нас як бы правярае на вытрымку трапiчнае надвор'е. На гэтым тыднi яно чакаецца гарачае i з вялiкай порцыяй ападкаў, паведамляюць спецыялiсты Рэспублiканскага цэнтра па гiдраметэаралогii, кантролi радыеактыўнага забруджвання i манiторынгу навакольнага асяроддзя Мiнпрыроды.


Фота: pixabay.com

Гэтымi днямi ў шматкiламетровай тоўшчы атмасферы зноў ўсталююцца паўднёва-ўсходнiя плынi. Паветраныя масы зноў пачнуць паступаць да нас з поўдня Еўрапейскай Расii i з Усходняй акваторыi Чорнага мора, дзе назапасiлася вельмi цёплае i вiльготнае паветра. Так што сезон дажджоў у нас, мяркуючы па ўсiм, працягнецца. За мiнулую палову чэрвеня вiльгацi ўжо выпала дастаткова, а па паўночна-ўсходняй частцы краiны ў асобных рэгiёнах ужо i залiшне.

Заўтра ўдзень чакаецца пераменная воблачнасць. Месцамi, пераважна па паўднёвым захадзе краiны, будуць кароткачасовыя дажджы i навальнiцы. Вецер умераны, пры навальнiцах парывiсты. Уначы на сераду будзе ад 14 да 20 цяпла, удзень — плюс 25—31 градус. Пераменная воблачнасць прагназуецца i ў чацвер. Уначы па паўднёвым захадзе, а ўдзень на большай частцы тэрыторыi краiны чакаюцца кароткачасовыя дажджы. У асобных раёнах прагрымяць навальнiцы. Вецер чакаецца паўднёва-ўсходнi ўмераны, пры навальнiцах парывiсты. Тэмпература паветра ўначы складзе ад плюс 15 да плюс 20 градусаў, удзень — плюс 25—31 цяпла.

Паводле папярэднiх прагнозаў айчынных сiноптыкаў, у пятнiцу чакаецца пераменная воблачнасць, з праясненнямi. У разгар дня спякота будзе яшчэ мацнейшая. Уначы месцамi, а ўдзень на большай частцы тэрыторыi краiны пройдуць кароткачасовыя дажджы, у асобных раёнах з навальнiцамi. Вецер будзе ўсходнi ўмераны, пры навальнiцах парывiсты. Тэмпература ўначы складзе ад плюс 15 да плюс 20 градусаў, удзень — плюс 26—32 цяпла.

Сяргей КУРКАЧ

Загаловак у газеце: Зноў спякота, але дажджы...

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.