Вы тут

Цырымонiя прыняцця прысягi гэтым разам была незвычайная


Цырымонiя прыняцця прысягi, якая адбылася ў мiнулую суботу ў воiнскiх часцях Беларусi, гэтым разам была незвычайная. Калi раней у тыя ж самыя Печы два разы на год прыязджалi запоўненыя «пад завязку» электрацягнiкi, а на аўтадарозе ледзь не ўтваралiся заторы, то мiнулая суботняя ранiца была зусiм на тое не падобная.


Фота БЕЛТА.

Праз эпiдэмiялагiчную сiтуацыю камандаванне Узброеных Сiл прыняло рашэнне не запрашаць родных i блiзкiх навабранцаў на прыняцце прысягi. Замест гэтага на Youtube-канале «Ваен ТБ» была наладжана прамая трансляцыя з 72-га гвардзейскага аб'яднанага вучэбнага цэнтра падрыхтоўкi прапаршчыкаў i малодшых спецыялiстаў, размешчанага ў Барысаве, i 5-й асобнай брыгады спецыяльнага прызначэння, якая дыслакуецца ў Мар'iнай Горцы. У сацыяльных сетках i месенджарах iшлi паказы з iншых часцей краiны. Агулам клятву на вернасць Радзiме прамовiлi каля 3,4 тысячы прызваных на тэрмiновую ваенную службу i службу ў рэзерве.

Мiж iншым, месяц таму адпраўка вайскоўцаў у часцi таксама праходзiла без публiчных урачыстых мерапрыемстваў. Пра гэта нагадаў мiнiстр абароны Вiктар Хрэнiн:

— Здароўе ў вайсковых калектывах было, ёсць i застаецца вельмi важным. Напрыканцы месяца ў 72-м аб'яднаным вучэбным цэнтры плануецца адкрыць медыцынскае падраздзяленне. Яно будзе абсталявана па ўсiх сучасных патрабаваннях.

— Умацоўваць абароназдольнасць краiны — гэта няпросты абавязак, якi пад сiлу толькi сапраўдным мужчынам, — звярнуўся да салдат Вiктар Хрэнiн. — I спярша вам будзе няпроста, паколькi цяплiчных умоў у армii няма. Але калi пройдзеце ўсе выпрабаваннi, то не толькi станеце сапраўднымi абаронцамi Айчыны, але i будзеце згадваць армiю як важны жыццёвы досвед.

Ваеннае ведамства пры гэтым адзначае, што ў краiне робяцца захады для павышэння матывацыi тых, хто прызываецца ў войска. Напрыклад, з гэтага года тэрмiн службы залiчваецца ў страхавы стаж, неабходны для налiчэння пенсii. У студэнтаў, якiя маюць рэкамендацыi з часцей, з'яўляецца першачарговае права на месца ў iнтэрнаце, а таксама на выбар працоўнага месца пры размеркаваннi. На падрыхтоўчых курсах вышэйшых i сярэднiх спецыяльных навучальных устаноў яны могуць вучыцца за кошт бюджэту. Абiтурыенты, якiя маюць такiя рэкамендацыi, могуць паступаць у ССНУ без конкурсу на найбольш запатрабаваныя эканомiкай спецыяльнасцi. У лiку прэферэнцый — залiчэнне без iспытаў у вышэйшыя навучальныя ўстановы на спецыяльнасцi профiлю «Ахова здароўя». Але пры гэтым за плячыма трэба мець сярэднюю спецыяльную медыцынскую адукацыю.

Валяр'ян ШКЛЕННIК

Загаловак у газеце: Клятва на вернасць

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.