Вы тут

Шэраг мер бяспекi прыняты ў аздараўленчых лагерах


У цяперашняй эпiдэмiялагiчнай сiтуацыi для бяспечнага адпачынку дзяцей у аздараўленчых лагерах дзейнiчаюць беспрэцэдэнтныя патрабаваннi. Распрацаваны i пералiк рэкамендацый для санаторыяў, дзе адпачываюць дарослыя. Пра гэта ў эфiры тэлеканала АНТ расказала галоўны дзяржаўны санiтарны ўрач Беларусi Наталля Жукава.


Паводле яе слоў, прагнозы на чэрвень аб павольным знiжэннi захваральнасцi на каранавiрусную iнфекцыю спраўджваюцца. Ёсць тэрыторыi, дзе колькасць выпадкаў мiнiмальная, на iншых эпiдпрацэс яшчэ працягваецца, але ў цэлым назiраецца станоўчая дынамiка.

Сур'ёзная работа праведзена для падрыхтоўкi школьных i аздараўленчых лагераў. У прыватнасцi, персанал аздараўленчых устаноў будзе працаваць вахтавым метадам.

— Прыняты шэраг беспрэцэдэнтных мер. Сёння гэта неабходна, каб адпачынак быў сапраўды аздараўленчы. I гэта задача не толькi медыкаў, але i ўласнiкаў лагераў. Цяпер персанал будзе выязджаць за пяць дзён да адкрыцця лагера. Мы павiнны ўпэўнiцца, што ўсе, хто будзе працаваць, здаровыя. I вахтавы метад будзе доўжыцца ўсю змену, — расказала Наталля Жукава.

Яна адзначыла, што будуць абмежаваны i скарэктаваны некаторыя агульналагерныя мерапрыемствы. У прыватнасцi, дзяжурства дзяцей у харчблоку i збор усiх атрадаў разам. Сур'ёзная ўвага аддадзена санэпiдрэжыму: гэта прыборкi, дэзынфекцыя, стан здароўя персаналу. Вялiкая нагрузка ляжа на медыкаў аздараўленчых лагераў. Плануецца штодзённа апытваць дзяцей, пры неабходнасцi вымяраць тэмпературу. А вось бацькам наведваць дзяцей не рэкамендуецца. У выпадку, калi бацькi забяруць дзiця, вярнуць яго, каб працягнуць змену, будзе складана.

Наталля Жукава падкрэслiла, што ў беларускiх здраўнiцах таксама прымаюцца ўсе меры перасцярогi, бяспекi i санэпiдрэжыму. Калi iх выконваць, адпачынак будзе максiмальна бяспечны.

Па звестках на 15 чэрвеня, у Беларусi зарэгiстравана 54 680 выпадкаў COVID-19. Паправiлiся i выпiсаны 30 420 пацыентаў, у якiх раней была пацверджана каранавiрусная iнфекцыя, 312 чалавек памерлi. За перыяд распаўсюджвання iнфекцыi праведзена 749 917 тэстаў. За апошнiя суткi прырост склаў 707 інфіцыраваных, выпiсана 317 пацыентаў, памерлі чацвёра.

Алена КРАВЕЦ

Загаловак у газеце: Персанал будзе працаваць вахтавым метадам

Выбар рэдакцыі

Грамадства

«Пухнацікі» ў горадзе. На вуліцах і ў крамах з'явіўся навагодні антураж

«Пухнацікі» ў горадзе. На вуліцах і ў крамах з'явіўся навагодні антураж

Здаецца, з кожным годам упрыгожваць сталіцу і абласныя цэнтры да Новага года пачынаюць усё раней і раней.

Грамадства

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Заўтра адзначаецца Міжнародны дзень інваліда. У Беларусі жыве больш за 530 тысяч чалавек з інваліднасцю

Намеснік міністра працы і сацыяльнай абароны Марына АРЦЁМЕНКА адзначыла, што дзяржава праводзіць сістэмную палітыку па падтрымцы і рэабілітацыі людзей з інваліднасцю.

Культура

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

На гэтым тыдні свой 90-гадовы юбілей адзначыў Нацыянальны акадэмічны драматычны тэатр імя Максіма Горкага

Але знаўцы здаўна яго называюць проста рускі — і ўсе разумеюць, пра што гаворка, маючы пры гэтым на ўвазе ўсе заслугі тэатра і тых асоб, якія складалі яго калектыў у розныя гады.