Вы тут

На прамой лініі ў Савеце Рэспублікі жыхар Ліды распавёў загадкавую гісторыю з рамонтам даху дома


Старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец правёў прамую тэлефонную лінію, падчас якой прыняў дваццаць зваротаў.


Фота sovrep.gov.by

Тэлефанавалі пераважна па няпростых жыццёвых пытаннях, якія ў пэўны момант былі для гэтых грамадзян справай першаступеннай важнасці. Зразумела, што для шматдзетнай маці з Салігорска кватэрнае пытанне самае галоўнае. І быццам бы ўсё ішло як і належыць, але з нейкіх прычын трапіла нібы ў пастку. Жанчына моцна расчараваная несправядлівым рашэннем перанесці яе чаргу на будаўніцтва кватэры на наступны год. Дакладней, сям'я Кацярыны Святаславаўны разлічвала на тое, што яна заселіцца ў кватэру дома, які зараз узводзіцца. А раптам высветлілася, што сям'я ўжо ў спісе на кватэру ў іншым жылым доме, які пачнуць будаваць толькі ў другім квартале наступнага года.

Сяргей Сівец паабяцаў вывучыць прычыны такіх адносін да шматдзетнай сям'і і потым паведаміць аб магчымых кроках і прынятых мерах, вядома, пры ўмове, што парушаны яе правы. Пытанне паспрабуюць вырашыць у прававым полі ў межах кампетэнцыі Савета Рэспублікі.

А вось жыхар Ліды паведаміў крыху загадкавую гісторыю з рамонтам даху дома, у якім ён жыве ўжо шмат гадоў. Дык вось, яшчэ ў 2003 годзе мясцовыя адказныя асобы вырашылі адрамантаваць дах дома плошчай 900 «квадратаў». Але спачатку паклалі неякасную чарапіцу, якая літаральна праз год сапсавалася, аказалася непрыдатнай супраць дажджу і снегу. Яе замянілі на шыфер, на думку пенсіянера, не новы, якім ужо карысталіся. І ён запатрабаваў ад сенатара з дапамогай праваахоўных органаў разбрацца з гэтай 17-гадовай гісторыяй.

Былі звароты па зямельных праблемах, пытаннях справядлівага падзелу спадчыны і іншыя.

Старшыня Пастаяннай камісіі ў каментарыі аб выніках прамой лініі адзначыў, што за гады існавання суверэннай Беларусі назапашаны вялікі кластар нарматыўна-прававых актаў, прычым, рознай галіновай накіраваннасці. Іх прымяненне на практыцы часам у грамадзян выклікае пытанні. У гэтай сувязі прыёмы грамадзян і тэлефонныя лініі, пісьмовыя і электронныя звароты, просьбы і пажаданні людзей з'яўляюцца крыніцамі сігналаў з месцаў. Гэта выдатная магчымасць для заканатворцаў трымаць руку на пульсе грамадскага жыцця, звярнуць увагу на практыку правапрымянення на месцах, а для грамадзян — удзельнічаць у заканатворчым працэсе.

Сяргей Сівец адзначыў, што ў практыцы верхняй палаты ёсць прыклады таго, як па выніках разгляду зваротаў сенатарамі былі ініцыяваны змены ў шэраг законаў, скажам, у Жыллёвы кодэкс, Зямельны кодэкс і іншыя. Разам з тым ён падкрэсліў, што з пункту гледжання права жыллёвыя і зямельныя пытанні належаць да самых складаных. Таму Сяргей Сівец заклікаў грамадзян, асабліва сваякоў, не цягнуць гадамі з вырашэннем падзелу маёмасці, а звяртацца да натарыусаў, прафесійных юрыстаў па прававую кансультацыю, прыслухоўвацца да іх парад, каб потым не ісці ў суд. А гэта істотныя страты нерваў, грошай і часу.

Леанід Тугарын

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».