Вы тут

Спораўская сіла


Яшчэ 8 красавіка 2020 года ў Даўгаўпілскім Цэнтры беларускай культуры (ЦБК) выстаўлены былі карціны й скульптуры рыжскага мастака з беларускімі родавымі каранямі Васіля Малышчыца. Ён — чалец праўлення Аб’яднання мастакоў-беларусаў Балтыі “Маю гонар” і Латвійскага таварыства беларускай культуры “Сьвітанак”. Выстава прымеркавана да юбілею творцы, прысвечана яго малой радзіме. З‑за складанай эпідэміялагічнай абстаноўкі выстава пакуль даступная толькі віртуальна, яе афіцыйнае адкрыццё, мяркуем, пройдзе ў плыні запланаваных Дзён беларускай культуры.


Васіль Малышчыц

Радзіма спадара Васіля — Заходняе Палессе: вёска Спорава Бярозаўскага раёна Брэстчыны. Нарадзіўся ён 8 красавіка 1960 года ў сям’і апрацоўшчыкаў дрэва. Вучыўся ў Спораўскай сярэдняй школе, закончыў Бабруйскае прафтэхвучылішча і ў 1978‑м атрымаў спецыяльнасць столяра-чырвонадрэўшчыка. А праз восем гадоў яго, ужо выпускніка Беларускага тэатральна-мастацкага інстытута, накіравалі працаваць галоўным мастаком Дома культуры Рыжскага электрамеханічнага завода.

З 1991‑га Васіль Малышчыц займаецца разьбой па дрэве, рэстаўрацыяй мэблі для інтэр’ераў. А заказы ў яго бываюць вельмі цікавыя. Неяк аднаўляў старыя драўляныя ківоты былой беларускай уніяцкай, а цяпер рускай праваслаўнай Троіцкай царквы ў Рызе. Зрабіў файную рэстаўрацыю ды распісаў куфар для музейнай экспазіцыі ЦБК “Беларуская хатка”. Мастак актыўна далучаны да грамадскага й творчага жыцця беларускай дыяспары: быў старшынёй “Сьвітанка” (1996–2000), цяпер — намеснік старшыні творчай суполкі “Маю гонар”. У 2005‑м у Рызе прайшла першая персанальная выстава Васіля Малышчыца, а ў 2006‑м Міністэрства культуры Латвіі ўзнагародзіла яго граматай: за пашырэнне беларускай культуры ў гэтай краіне.

Аматары мастацтва й жывапісу Даўгаўпілса даволі добра знаёмыя з таленавітымі працамі мастака. У нас ладзілася ўжо некалькі калектыўных выстаў з удзелам Васіля: у плыні праектаў суполкі “Маю гонар”. Адна была ў Даўгаўпілскім краязнаўчым і мастацкім музеі, другая — у ЦБК. Працяг плённай супрацы — асабістая выстава творцы ў Даўгаўпілсе.

Спадара Васіля шчыра віншуем з юбілеем! Жадаем здароўя, сямейнага дабрабыту, творчых поспехаў, энергіі ды натхнення на доўгія гады!

Марыя Памецька, г. Даўгаўпілс

Фота з асабістага архіва В. Малышчыца

Нумар у фармаце PDF

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.