Вы тут

У Полацку адкрылi мемарыяльны комплекс «Урочышча «Пяскi»


У дзень усенароднай памяцi ахвяр Вялiкай Айчыннай вайны ў Полацку адкрылi мемарыяльны комплекс «Урочышча «Пяскi».

Каб нарэшце быў пахаваны з гонарам апошнi салдат i скончылася для Беларусi тая вайна, беларусы ўсёй грамадой дапамагалi стварэнню мемарыяла на месцы перасыльнага лагера для савецкiх ваеннапалонных «Дулаг-125». Далучылася да праекта i «Звязда».


Фота: БЕЛТА.

У дату пачатку апошняй вайны жыхары i госцi Полацка праз 79 гадоў зноў згадалi пра жах, боль i адчай, перанесеныя людзьмi, што загiнулi ад рук катаў. Не хопiць усiх слёз свету, каб аплакаць iх. Смутак, якi не мае тэрмiну даўнiны, i сёння трывожыць нашыя сэрцы...

Першы намеснiк старшынi Полацкага райвыканкама Сяргей ЛЕЙЧАНКА нагадаў, што беларусы першыя з народаў Савецкага Саюза прынялi на сябе ўдар нямецкай армады. За родную зямлю да апошняй кроплi крывi змагалiся стары i малы.

«Бесчалавечная машына фашызму знiшчала не толькi салдат — ахвярамi сталi мiльёны мiрных людзей. Урочышча «Пяскi» — велiзарная брацкая магiла, дзе спачываюць рэшткi дзясяткаў тысяч ваеннапалонных i цывiльнага насельнiцтва, змучаных, скатаваных i забiтых нацыстамi. Мы схiляемся перад нявiннымi ахвярамi, памяць аб iх — свяшчэнная. Мемарыяльны комплекс стаў сiмвалам i данiнай гэтай памяцi», — сказаў Сяргей Лейчанка.

Па яго словах, сёння беларусы асаблiва ўсведамляюць неабходнасць нацыянальнага адзiнства, а любоў да сваёй Радзiмы — гэта сiла, якую не ў стане знiшчыць нi варожая моц, нi халодны разлiк, нi злая воля. Наш народ нiколi не забудзе пра злачынствы нацызму i не дапусцiць паўтарэння падобнага, перакананы першы намеснiк старшынi Полацкага райвыканкама.

Першы намеснiк старшынi праўлення Беларускага фонду мiру Аляксандр ЧЫРКО
паведамiў, што работа над мемарыялам пад кiраўнiцтвам Полацкага райвыканкама завершана праз дзесяць гадоў дзякуючы валанцёрам, ваенным i ўсiм людзям з вялiкiм сэрцам.

«Вам за гэта нiзкi паклон. I дай бог, каб на нашай зямлi больш не было вайны», — пажадаў Аляксандр Чырко.

У дзень усенароднай памяцi ахвяр Вялiкай Айчыннай вайны ў мемарыяльным комплексе «Урочышча «Пяскi» прайшла Вахта памяцi. Прадстаўнiкi мясцовай i рэспублiканскай улады, рэлiгiйных канфесiй i грамадскiх аб'яднанняў, ваеннаслужачыя Полацкага гарнiзона, кадэты, навучэнцы i, вядома, мясцовыя жыхары, якiя захоўваюць памяць пра загiнулых, усклалi да мемарыяла кветкi ў знак вечнай падзякi i пашаны.

Варвара МАРОЗАВА

Загаловак у газеце: Памяць — свяшчэнная

Выбар рэдакцыі

Грамадства

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Калі дапамога патрэбна экстранна, яе заўсёды змогуць аказаць валанцёры Чырвонага Крыжа

Гучны гул сірэны знянацку застаў пенсіянерку Веру Васільеўну дома.

Грамадства

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Хормайстр Ніна Ламановіч: Можна выходзіць замуж, калі жыццё жанчыны пасля гэтага палепшыцца

Галоўнаму хормайстру Вялікага тэатра 27 жніўня споўнілася 70 гадоў. 

У свеце

У «чорнай» зоне. Чаму Літву захліснула пандэмія?

У «чорнай» зоне. Чаму Літву захліснула пандэмія?

Уся Літва трапіла ў «чорную» зону заражэння каранавірусам. 

Грамадства

Страшнае слова «генацыд»

Страшнае слова «генацыд»

Для тых, хто прысвойвае сабе права быць «выключнымі», гэта рана ці позна становіцца катастрофай у маштабах народа.