25 верасня, пятніца

Вы тут

З новага года павялічацца ўзносы ў фонд пенсійнага страхавання


Сёння ў Палаце прадстаўнікоў разгледжаны законапраект аб змяненні законаў па пытаннях пенсіённага забеспячэння, які прадугледжвае паляпшэнне ўмоў налічэння пенсій для тых, хто працуе ў шкодных умовах.


Як растлумачыла намеснік старшыні Пастаяннай камісіі па працы і сацыяльных пытаннях Жанна Стаціўка, з 2009 года ў Беларусі (першай на постсавецкай прасторы) дзейнічае сістэма пенсіённага прафесійнага страхавання — адлічэнні наймальнікаў для выплаты працаўнікам са шкоднымі ўмовамі страхавой пенсіі. За тэрмін, крыху большы за дзесяць год, катэгорыі працаўнікоў, на каго распаўсюджвалася яе дзеянне, не здолелі сфарміраваць дастаткова вялікую пенсію ў накапляльнай сістэме.

«Таму прынята рашэнне даць магчымасць такім катэгорыям працаўнікоў атрымліваць пенсію з агульнай пенсійнай сістэмы. Гэта падтрымка грамадзян, у якіх невялікая пенсія, і вялікі плюс для наймальнікаў, таму што ёсць магчымасць не згубіць работнікаў перадпенсіённага ўзросту, якія, ведаючы, што будзе невялікая пенсія, шукалі іншую работу», — паведаміла Жанна Стаціўка.

Па яе словах, са адпаведнымі зваротамі звярталіся шмат працаўнікоў сельгаспрадпрыемстваў, кіроўцаў грамадскага транспарта, настаўнікаў, артыстаў, спартсменаў.

«Са студзеня 2021 года будуць у два разы павялічаны ўзносы ў фонд пенсіённага страхавання, каб маладое пакаленне, якое працуе сёння, здолела сфарміраваць сабе годную пенсію», — дадала дэпутат.

Варвара МАРОЗАВА

Прэв’ю: Depositphotos.com

Выбар рэдакцыі

Грамадства

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Выхаванцы Веснаўскага дома-інтэрната, што на Магілёўшчыне, робяць сваімі рукамі абразы для пабудаванай на іх тэрыторыі капліцы

Культавая пабудова, якая будзе асвечана на свята Пакроваў у гонар свяціцеля Патрыка, асветніка зямлі Ірландскай, ужо цалкам гатова, засталося толькі упрыгожыць храмавыя сцены іконамі.

Палітыка

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

Дэпутат Варанецкi: Важна, каб мы выйшлi з выпрабаванняў больш моцнымi, адзiнымi i кансалiдаванымi

«Горш за ўсё, калi канфрантацыйная рыторыка гучыць з боку ўлады».