Вы тут

Адзінаццаты раз на беразе Дняпра пройдзе рэспубліканскі фестываль «Купалле»


Адзінаццаты раз на беразе Дняпра пройдзе рэспубліканскі фестываль «Купалле» («Александрыя збірае сяброў») — брэндавае не толькі для Магілёўшчыны, але і для ўсёй краіны свята. А напярэдадні арганізатары расказалі пра сёлетнія цікавінкі ў праграме, захады для бяспекі гасцей і ўдзельнікаў і прэзентацыю новага турыстычнага маршруту.


Фота: minsknews.by

Паводле слоў намесніка старшыні Магілёўскага аблвыканкама Валерыя Малашкі, распрацаваная сумесна з Міністэрствам культуры творчая канцэпцыя свята абяцае быць цікавай. Пераканацца ў гэтым можна будзе на ўласныя вочы 11-12 ліпеня ў аграгарадку Александрыя Шклоўскага раёна. «Разумеючы пэўныя засцярогі гасцей і ўлічваючы эпідэміялагічную абстаноўку, аблвыканкам зрабіў пэўныя захады: павялічыцца колькасць гандлёвых пляцовак, што дазволіць павялічыць дыстанцыю паміж наведвальнікамі, будзе арганізаваны медыцынскі пост для вымярэння тэмпературы ўсім, хто прыходзіць на фестываль, таксама наладжана інфармацыйная работа па давядзенні рэкамендацый медыкаў аб тым, калі лепш устрымацца ад удзелу ў масавых мерапрыемствах, каб паберагчы адно аднаго», — расказаў ён. Дарэчы, нягледзячы на складанасці з перасячэннем граніц, арганізатары атрымалі пацвярджэнні ўдзелу ў фэсце народных майстроў з Украіны, Расіі і Літвы. Але найбольшую стаўку, безумоўна, робяць на айчынных майстроў, рамеснікаў, творчыя калектывы і, канешне, сваіх беларускіх гледачоў — гасцей з розных рэгіёнаў нашай краіны.

У першы дзень свята, 11 ліпеня, гасцей чакаюць на тэматычных пляцоўках свята: выстаўцы «Зроблена ў Беларусі», «Александрыйскім кірмашы» з гандлёвымі радамі, на «Каравайнай сялібе» з хлебам і квасам і салодкай пляцоўцы «Лёва з Магілёва», дзе можна будзе пакаштаваць фірмовае магілёўскае марожанае, на свяце народнага касцюма, на маладзёжнай пляцоўцы з выстаўкай — прэзентацыяй побыту ад ХІХ да ХХІ стагоддзя «Калідор эпох», на атракцыёнах і інтэрактыўных гульнях «Кірмашовыя забавы» і «Свята цырка»... Асобным пунктам у праграме стаіць «Свята кнігі» — своеасаблівая рэпетыцыя Дня беларускага пісьменства, які сёлета пройдзе на Магілёўшчыне, у Бялынічах.

Кульмінацыяй фэсту стане гала-канцэрт «Мая Александрыя» — не проста музычная праграма, а адмысловае тэатралізаванае шоу, усе элементы якога рэжысёры свята аб'ядналі вакол абярэга — птушкі, што ахінае сваімі крыламі свята. Лейтматывам гала-канцэрта, адзначыла начальнік галоўнага ўпраўлення дзяржаўных спецыяльных культурных мерапрыемстваў і прафесійнага мастацтва Мінкультуры Беларусі Ірына Дрыга, будзе падвядзенне вынікаў трохгоддзя малой радзімы, якую па-свойму раскрыюць у асобных творчых эпізодах народныя артысты Беларусі Уладзімір Гасцюхін і Анатоль Ярмоленка, народная артыстка Украіны Ірына Білык, заслужаны артыст РФ Дзяніс Майданаў, ансамбль «Беларускія песняры», заслужаныя артысты Беларусі Аляксандр Саладуха, Іна Афанасьева, Алена Ланская, гурты «Аўра», «Чысты голас» і многія іншыя папулярныя артысты. Завершыцца праграма прэм'ерай песні «Мая Александрыя» і ўлюбёным публікай феерверкам.

У другі дзень фэсту, 12 ліпеня, пройдзе ўрачыстае ўзнагароджанне перадавікоў аграпрамысловага комплексу Магілёўшчыны,
працягнецца «Свята цырка», а на канцэртных пляцоўках выступяць ансамбль песні і танца «Медуніца» і БДА «Песняры».

Дарэчы, сёлета быў распрацаваны новы турыстычны маршрут «Купальскае кола». Яго ўдзельнікі змогуць наведаць Шклоў і Александрыю, пабываць у сучасных садавінасховішчах і на кірмашы народных майстроў, паўдзельнічаць у свяце і нават атрымаць майстар-клас па пляценні купальскіх вянкоў.

Вікторыя ЗАХАРАВА

Загаловак у газеце: Купальскія вянкі на Дняпры

Выбар рэдакцыі

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў. 

Грамадства

Як працуюць маладыя спецыялісты ў Гарадоцкім раёне

Як працуюць маладыя спецыялісты ў Гарадоцкім раёне

Райцэнтр Гарадок знаходзіцца прыкладна за трыццаць кіламетраў ад Віцебска, недалёка — мяжа з Расіяй. Як там сёння з кадравым пытаннем?

У свеце

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Барацьба з эпiдэмiяй у Пекiне: адлюстраванне ўзроўню мунiцыпальнага кiравання

Да Кiтая ўвага ўсёй сусветнай супольнасцi прыкавана з розных прычын.

Грамадства

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Кампазiтар Алег Елiсеенкаў: У нас з жонкай усё агульнае — i радасцi, i нягоды, i грошы

Са сваёй жонкай аўтар папулярных песень знаёмы амаль паўстагоддзя.