У Беларусі з 26 чэрвеня пачалася доследна-прамысловая эксплуатацыя праграмнага забеспячэння, якое дазваляе выпускаць банкаўскія гарантыі і іншыя паведамленні, звязаныя з іх абарачэннем, на карысць мытных органаў у выглядзе электроннага дакумента.
Як удакладняе прэс-служба Нацыянальнага банка Беларусі, гэта навіна дазволіць ажыццяўляць абмен адпаведнымі данымі паміж інфармацыйнай сеткай фінансавага рэгулятара краіны, які функцыянуе па тэхналогіі блокчэйн, і інфармацыйнай сістэмай Дзяржаўнага мытнага камітэта.
Укараненне механізма электроннага абарачэння банкаўскіх гарантый дазволіць суб'ектам гаспадарання аптымізаваць парадак узаемадзеяння па пытаннях гарантаванага выканання абавязацельстваў па выплаце мытных пошлін, падаткаў і іншых плацяжоў, дазволіць банкам спрасціць працэдуру ўзаемадзеяння з мытнымі органамі і скароціць час з моманту выпуску гарантыі банкам да яе прыняцця мытным органам. Увод праграмнага забеспячэння ў прамысловую эксплуатацыю плануецца з 1 жніўня гэтага года.
Сяргей КУРКАЧ
У Гродзенскай вобласці турыстычны прадукт становіцца ўсё больш разнастайным.
Галоўны ўрач санаторыя «Беларусачка» у наступным годзе адзначыць паўвекавы юбілей сямейнага жыцця.
Цэны на ліквіднае жыллё ў сталіцы выраслі на 5 працэнтаў.
