Вы тут

​Праваахоўнікі з пачатку года спынілі 15 каналаў пастаўкі наркотыкаў у Беларусі


Праваахоўнікі з пачатку года спынілі 15 каналаў пастаўкі наркотыкаў у Беларусі, столькі ж было выяўлена памяшканняў для вырошчвання наркатычных раслін. Пра гэта БелТА паведамілі ў галоўным упраўленні па наркакантролі і супрацьдзеянні гандлю людзьмі Міністэрства ўнутраных спраў.


«Назіраецца тэндэнцыя зніжэння колькасці зарэгістраваных злачынстваў, звязаных з незаконным абаротам наркотыкаў. Колькасць перадазіровак, дапушчаных непаўналетнімі, знізілася за шэсць апошніх гадоў у 56 разоў, а апошні выпадак смерці непаўналетніх ад наркотыкаў рэгістраваўся ў краіне ў 2014 годзе», — расказаў начальнік галоўнага ўпраўлення па наркакантролі і супрацьдзеянні гандлю людзьмі МУС Алег Сільвестровіч.

Па выніках пяці месяцаў бягучага года, органы ўнутраных спраў выявілі больш за 1,5 тысячы нарказлачынстваў, гэта на 28 % менш, чым за такі ж перыяд мінулага года. Каля паловы злачынстваў звязаны са збытам. Непаўналетнія і з іх удзелам здзейснілі на 75 нарказлачынстваў менш, на 26 % знізіўся ўзровень рэцыдыўнай нарказлачыннасці.

«Асноўныя намаганні органаў унутраных спраў па-ранейшаму сканцэнтраваны на выяўленні і спыненні каналаў паставак наркотыкаў у краіну з-за мяжы, а таксама іх транзітных перавозак. Толькі за мінулы перыяд іх выяўлена 15», — удакладнілі ва ўпраўленні.

Нягледзячы на стабільную і кантраляваную сітуацыю, наркапагроза ў краіне захоўваецца. Змяненне кан'юнктуры наркарынку разам з бесклапотнасцю наркаспажыўцоў прыводзяць да павелічэння перадазіровак,
у тым ліку са смяротным зыходам.

Аналіз даных наркакантролю паказвае, што смерці ад перадазіровак у большасці выпадкаў звязаны з ужываннем метадону. Толькі ў гэтым годзе з-за яго загінуў 21 чалавек, а 14 памерлі ад перадазіроўкі метадону ў спалучэнні з іншымі псіхаактыўнымі рэчывамі. «У асноўным гэта асобы старэйшыя за 30 гадоў, так званыя нарказалежныя са стажам, раней судзімыя, у тым ліку па арт. 328 КК, якія стаялі на ўліку ва ўрача-нарколага, а таксама якія накіроўваліся на прымусовае лячэнне ад наркаманіі і алкагалізму», — растлумачылі ва ўпраўленні.

Валяр’ян ШКЛЕННІК

Прэв’ю: news.myseldon.com

Загаловак у газеце: У палоне дурману

Выбар рэдакцыі

Калейдаскоп

«Ураджайны» тэст

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...