Вы тут

МТС запусціў серыю відэаролікаў для падрыхтоўкі да ЦТ


Кампанія МТС пры падтрымцы Міністэрства адукацыі запусціла серыю відэаролікаў па матэматыцы, фізіцы і хіміі. Гэта дадатковы інструмент для паўтарэння вучэбнага матэрыялу напярэдадні здачы цэнтралiзаванага тэсцiравання. Ім можна скарыстацца ў любы зручны час, зайшоўшы на YouTube са свайго смартфона.


Відэаролікі разлічаны на старшакласнікаў і абітурыентаў. Адукацыйны кантэнт пададзены ў іх у сціснутым фармаце і дапоўнены графікай. Працягласць аднаго занятку - да 15 хвілін. Абраныя прадметы - адны з топавых пры здачы ЦТ. Серыя ролікаў складаецца з некалькіх тэм па кожным з прадметаў. Плэйлісты з відэаролікамі даступныя на партале adu.by і на YouTube-канале МТС: ролікі па матэматыцы, па хіміі, па фізіцы.

Цэнтралізаванае тэсціраванне па матэматыцы пройдзе 1 і 2 ліпеня, па хіміі - 8 ліпеня, па фізіцы - 10 ліпеня. Калі ў абітурыентаў па ўважлівай прычыне не атрымліваецца трапіць на тэсціраванне ў гэтыя дні, здаць экзамен можна ў рэзервовыя дні. Зарэгістравацца для праходжання ЦТ у рэзервовыя даты можна з 12 па 17 ліпеня, а тэсціраванне па матэматыцы, хіміі і фізіцы адбудзецца з 19 па 23  ліпеня.

Надзея НІКАЛАЕВА

Выбар рэдакцыі

Грамадства

Народнае прадстаўніцтва

Народнае прадстаўніцтва

Вясна гэтага года праходзіць у Беларусі пад знакам Усебеларускага народнага сходу ў яго новым статусе і якасці. 

Спорт

Павел Старасвецкі: «Зоркі, здольныя ззяць на сусветным узроўні, павінны загарацца ў рэгіёнах»

Павел Старасвецкі: «Зоркі, здольныя ззяць на сусветным узроўні, павінны загарацца ў рэгіёнах»

У новай рубрыцы «Малыя адрасы вялікага спорту» пастараемся растлумачыць, чаму ўся Беларусь жыве спортам у прамым сэнсе гэтага слова.

Грамадства

Хаменка выбраны намеснікам старшыні Савета Рэспублікі восьмага склікання

Хаменка выбраны намеснікам старшыні Савета Рэспублікі восьмага склікання

Ён выбраны таемным галасаваннем з выкарыстаннем бюлетэняў.