Вы тут

З кiм адпачываць малым i дзе iм жыць, вызначаецца ў пагадненнi аб дзецях


Нават калi мама i тата не ў шлюбе.

Гэты дакумент з 1 лiпеня, згодна са зменамi ў Кодэкс аб шлюбе i сям'i, можна заверыць не толькi ў судзе, але i ў натарыяце, прычым засведчанне цяпер — гэта абавязковая працэдура для такiх здзелак. У пагад-неннi можна акрэслiць пытаннi стасункаў бацькоў з малымi, iх выезду на адпачынак за мяжу, месца жыхарства, сумы алiментаў i iншыя важныя моманты.


Пагадненне аб дзецях заключаецца памiж бацькамi дзеля забеспячэння правоў i iнтарэсаў сваiх непаўналетнiх малых. Да 1 лiпеня гэты дакумент зацвярджаўся толькi судом або ўмовы стасункаў з дзецьмi i iх выхавання прапiсвалiся ў шлюбным дагаворы. Пытаннi ўтрымання непаўналетнiх можна было таксама абазначыць у пагадненнi аб выплаце алiментаў. Цяпер усе аспекты ўтрымання малых можна вырашыць у натарыяце яшчэ i ў Пагадненнi аб дзецях, расказала Вольга ФЯДУЦIК, кансультант упраўлення натарыя-та i загсаў Мiнiстэрства юстыцыi Беларусi:

— Такое новаўвядзенне асаблiва актуальнае для бацькоў, якiя жывуць не ў шлюбе або ўжо скасавалi яго, бо сужэнцы, напрыклад, могуць акрэслiць умовы выхавання i ўтрымання малых у шлюбным дагаворы. Суму алiментаў можна вызначыць вышэйшай, чым прадугледжана законам.

Каб заключыць пагадненне аб дзецях, бацькi павiнны самi звярнуцца да натарыуса i абмеркаваць умовы дакумента. Пасля гэтага натарыус складзе праект i, калi ўмовы пагаднення будуць адпавядаць волевыяўленню бакоў, засведчыць яго натарыяльна, звярнула ўвагу Галiна КАВАЛЬЧУК, натарыус Мiнскай гарадской натарыяльнай акругi:

— Згодна з артыкулам 76-1 Кодэкса аб шлюбе i сям'і ад 18 снежня 2019 года са зменамi i дапаўненнямi, якiя ўступiлi ў сiлу з 1 лiпеня 2020-га, пагадненне можна заключыць, калi пытаннi выхавання i ўтрымання дзяцей не былi акрэслены ў судовай пастанове, якая ўступiла ў сiлу, або не былi ўрэгуляваны шлюбным дагаворам цi пагадненнем аб утрыманнi сваiх непаўналетнiх дзяцей i (або) паўналетнiх непрацаздольных дзяцей, якiя маюць патрэбу ў дапамозе. У дакуменце падрабязна можна абазначыць усе пытаннi, якiя датычацца выхавання, умоў жыцця дзяцей i стасункаў з iмi i якiя не супярэчаць заканадаўству i не парушаюць правы малых.

Падчас скасавання шлюбу сужэнцы могуць таксама заключыць пагадненне аб дзецях у судзе згодна з грамадзянскiм працэсуальным кодэксам для заключэння мiравых пагадненняў.

— Калi ж умовы пагаднення аб дзецях будуць парушаны кiмсьцi з бацькоў, другi бок на падставе гэтага дакумента можа звярнуцца ў суд, якi праверыць законнасць дакумента i вынясе матывiровачную пастанову аб выдачы (або адмове ў выдачы) выканаўчага лiста. Гэты дакумент можа здзяйсняцца органамi прымусовага выканання, калi плацельшчык адмаўляецца добраахвотна выплачваць алiменты, — падкрэслiла натарыус.

Iрына СIДАРОК

Выбар рэдакцыі

Эканоміка

Як абараняцца ад рыэлтараў, якія не хочуць працаваць па законе

Як абараняцца ад рыэлтараў, якія не хочуць працаваць па законе

Лiцэнзiя агенцтва «Гатовыя рашэннi» скасавана, «Iмперыi нерухомасцi» — прыпынена, а «Тваёй сталiцы» выпiсана прадпiсанне.

Палітыка

Аляксандр Лукашэнка: Гэта адна з самых складаных выбарчых кампаній

Аляксандр Лукашэнка: Гэта адна з самых складаных выбарчых кампаній

Кіраўнік дзяржавы прагаласаваў на выбарах Прэзідэнта.

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.