Вы тут

3 лiпеня 1945 года выйшаў каляровы святочны нумар «Звязды


3 лiпеня 1945 года ўбачыў свет каляровы святочны нумар «Звязды», прысвечаны першай гадавiне вызвалення Беларусi ад нямецка-фашысцкiх захопнiкаў. А сёння яго можна будзе пабачыць на экспрэс-выстаўцы, якая праходзiць ў Беларускiм дзяржаўным музеi гiсторыi Вялiкай Айчыннай вайны.


«Звязда» — адзiная рэспублiканская газета, якая выходзiла ў гады вайны на занятай ворагам тэрыторыi — спачатку ў акупаваным Мiнску (май—верасень 1942 года), а пасля ў партызанскай зоне (з 27 студзеня 1943 года да лiпеня 1944). 10 лiпеня 1944 года «Звязда» зноў пачала друкавацца ў сталiцы Беларусi.

Святочны нумар за 3 лiпеня 1945 года змяшчае вiншаваннi Маршалаў Савецкага Саюза Г. К. Жукава i А. М. Васiлеўскага, генерала армii I. Х. Баграмяна, вершы беларускiх паэтаў i ўспамiны пра бiтву за вызваленне краiны.

Таксама на Дзень Незалежнасцi ў фае залы Перамогi музея будзе працаваць часовая экспазiцыя «З трэцiм лiпеня».

Адбудзецца прэзентацыя праграмы «Юны экскурсавод». Сем'i з малымi наведвальнiкамi могуць завiтаць у iнтэрактыўную зону «Лясная школа», дзецi паўдзельнiчаюць у майстар-класах «Пластылiнавы жывапiс» i «Сiмвалы Беларусi».

У фае музея сумесна з РУП «Белпошта» 3 лiпеня будзе ладзiцца акцыя «Адправiм вестку ветэрану», а на пляцоўцы побач з музеем, дзе знаходзiцца легендарны самалёт Iл-2, пройдзе iнтэрактыўная праграма «Сцяг Перамогi».

Мабiльны музей будзе працаваць у Цэнтральным дзiцячым парку iмя М. Горкага, дзе 3 лiпеня праходзiць марафон «Перамога-75: дарогамi мужнасцi i славы». Перасоўная экспазiцыя Беларускага дзяржаўнага музея гiсторыi Вялiкай Айчыннай вайны раскажа пра подзвiгi, якiя здзяйснялiся ў беларускiх гарадах, i пазнаёмiць з героямi тых падзей.

Святочную праграму падрыхтавалi i ў фiлiяле музея «Старая гранiца», якi знаходзiцца ў пасёлку Станькава Дзяржынскага раёна. Для гасцей правядуць бясплатную экскурсiю па комплексе, пакажуць iм архiўную кiнахронiку аб вызваленнi Беларусi. Будзе працаваць iнтэрактыўная пляцоўка (з тэматычнымi гульнёй i майстар-класамi).

Алена ДЗЯДЗЮЛЯ

Выбар рэдакцыі

Грамадства

«Да штыка ён пяро прыраўняў». Узгадваем ваеннага карэспандэнта Канстанціна Сіманава

«Да штыка ён пяро прыраўняў». Узгадваем ваеннага карэспандэнта Канстанціна Сіманава

28 лістапада 2020 года спаўняецца 105 гадоў з дня нараджэння вядомага рускага пісьменніка, ваеннага карэспандэнта і журналіста Канстанціна Сіманава. 

Грамадства

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

«Калі б не сям'я Абрамукоў, наш род перастаў бы існаваць яшчэ ў 1941 годзе». Расіянка з Ніжняга Ноўгарада знайшла ў беларускай вёсцы сваякоў

І аднавяскоўцаў людзей, якія ў час вайны ратавалі сям'ю яе бабулі, жонкі афіцэра Чырвонай Арміі.

Спорт

«Вікторыя», якая робіць з Гродна баскетбольную сталіцу

«Вікторыя», якая робіць з Гродна баскетбольную сталіцу

Гродна — горад з багатай не толькі культурнай, але і баскетбольнай гісторыяй. 

Грамадства

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

У Гродне жыхары кватэр адмовіліся падчас капітальнага рамонту здымаць аздабленне з балконаў. На іх падалі ў суд

Такога кшталту справа ў судзе Кастрычнiцкага раёна Гродна разглядаецца ўпершыню.