Рэктар ГрДМУ Віктар Сняжыцкі: Нам усім трэба шанаваць, берагчы і памнажаць тое, што маем

Віктар Сняжыцкі, рэктар Гродзенскага дзяржаўнага медыцынскага ўніверсітэта, доктар медыцынскіх навук, член Савета Рэспублікі:

— Як кіраўнік аднаго з вядучых гродзенскіх ВНУ ведаю не па чутках: настрой у студэнцкім асяроддзі пазітыўны — гэта цвёрдае перакананне ў тым, што няма чаго ісці на мітынгі, што не варта прадстаўніку цывілізаванага грамадства ліхасловіць ў сацыяльнай сетцы

Тым маладым людзям, якія сёння насуперак здароваму сэнсу і логіцы спрабуюць праявіць сябе удзелам у сумніўных мерапрыемствах на плошчах, хочацца сказаць: адмаўленне і крытыканства ні да чаго добрага не прывядуць. Толькі стваральнай працай можна дасягнуць поспеху як у сваім уласным жыцці, так і ў жыцці грамадства ў цэлым. Магу прывесці ў прыклад сотні паважаных у грамадстве знакамітых лекараў, якія пачыналі шлях у прафесіі радавымі першакурснікамі медыцынскай ВНУ.

Я сам у свой час скончыў сельскую школу, пасля заканчэння медінстытута працаваў урачом, самастойна рабіў першыя крокі ў навуцы. У сённяшніх студэнтаў магчымасці атрымаць поспех у прафесіі значна вышэйшыя. Медыцына пайшла далёка наперад і мае патрэбу ў мэтанакіраваных, разумных і творчых спецыялістах. Ды і магчымасці атрымаць веды значна шырэй.

Калі вярнуцца назад — на пачатак-другую палову 90-х гадоў — я добра памятаю тую сітуцыю і яна не супастаўна з тым, што ёсць зараз: моладзь не можа гэтага параўнаць, але мы — выкладчыкі больш сталага ўзросту — памятаем, якая раней была матэрыяльная база у многіх універсітэтах, каледжах і якая яна зараз. На сёняшні дзень нашы ўніверсітэты знаходзяцца на еўрапейскім узроўні па якасці падрыхтоўкі студэнтаў, у прыватнасці — медыкаў. Па аснашчанасці лабараторый, лекцыйных залаў, калі казаць аб ахове здароўя, гэта новыя тэхналогіі, новыя клінікі, рэспубліканскія навукова-практычныя цэнтры.

Дзякуючы сучасным інтэрнэт-тэхналогіям студэнты могуць знаёміцца ​​з дасягненнямі сусветнай медыцыны, анлайн-навучанне і сімуляцыйныя тэхналогіі ў вузаўскай практыцы робяць працэс засваення ведаў больш інтэнсіўным. Наш універсітэт адным з першых у краіне адкрыў лабараторыю сімуляцыйнага навучання, а ў апошні час пашырыў такія магчымасці.

Абсалютна новы накірунак, які пачынае развівацца ў краіне — гэта ўніверсітэцкая клініка, з’явілася яна ў Гродне. Гэта новы тып установы аховы здароўя, дзе будзе праходзіць на іншым больш высокім узроўні адукацыйны працэс і аказвацца неабходная дапамога пацыентам. Ад гэтага выйграюць усе: і студэнты, і пацыенты, і ўрачы-выкладчыкі.

Трэба ўзгадаць і новы камфартабельны інтэрнат, які пабудаваны для ВНУ дзякуючы дзяржаўнай падтрымцы, — гэта таксама свайго роду ўклад у медыцынскую адукацыю.

Аб узроўні навучання красамоўна сведчыць і тое, што з кожным годам у ВНУ замежных студэнтаў становіцца ўсё больш і больш. Не мы едзем за мяжу, а да нас прыязджаюць атрымліваць адукацыю прадстаўнікі многіх краін свету. Яны высока ацэньваюць нашу краіну — міралюбівую і цудоўную Беларусь. Нам усім, яе жыхарам, трэба шанаваць, берагчы і памнажаць тое, што маем.