10-я бальніца Мінска з 6 ліпеня пачынае працу ў звычайным рэжыме

З 6 ліпеня пачынае працу ў звычайным рэжыме шматпрофільны стацыянар 10-й бальніцы Мінска, паведамляе Міністэрства аховы здароўя.

З панядзелка пачнуць прыём пацыентаў для кансультацый і шпіталізацыі аддзялення — алергалогіі і прафпаталогіі, эндакрыналогіі, таракальнай хірургіі, гінекалагічнае, гастраэнтэралогіі, пульманалогіі, кардыялогіі (для хворых на інфаркт міякарда), неўралагічнае, псіхіятрычнае, хірургічныя і аддзяленне мікрахірургіі вока.

Акрамя таго, адкрываюцца амбулаторныя аддзяленні: прафпаталогіі і алергалогіі — Рэспубліканскі Цэнтр прафпаталогіі, гарадское аддзяленне медыцынскай рэабілітацыі — Клінічны цэнтр традыцыйнай усходняй медыцыны.

У сувязі з тым, што наплыву пацыентаў пры паляпшэнні эпідэміялагічнай сітуацыі не чакаецца, спецыялісты прынялі рашэнне вызваліць 10-ю бальніцу для пацыентаў з профільнымі захворваннямі.

У звычайным рэжыме працы гэта ўстанова аховы здароўя разлічана амаль на 1100 пацыентаў і на сённяшні момант цалкам можа зноў выконваць ролю звычайнага шматпрофільнага стацыянара. Але для гэтага ўстанова павінна прайсці санітарную апрацоўку.

У сувязі з тым, што ў бальніцы неабходна было правесці санітарна-супрацьэпідэмічныя мерапрыемствы заключнай дэзінфекцыі, з 26 чэрвеня шпіталізацыя пацыентаў не праводзілася. Выключэнне складалі пацыенты, якія прыбылі ў бальніцу для аказання ім тэрміновай хірургічнай дапамогі.

Прэв’ю: medportal.org