Вы тут

Выява зоркі і зямнога шара на гербе могуць змяніцца


Падрыхтаваны праект закона, які карэкціруе заканадаўства аб дзяржаўных сімвалах. У геральдычным савеце пры Прэзідэнце ацанілі сімволіку і прыйшлі да высновы, што яе трэба ўдасканаліць. Выява зоркі і зямнога шара на гербе могуць змяніцца.


Згодна з агульнапрызнанымі падыходамі геральдыкі, для розных выпадкаў сімволіка можа несці іншае сэнсавае значэнне. Напрыклад, зорка мае выразныя грані, па сваім выкананні больш падыходзіць да мілітарызаванай сімволікі і мае крыху ваяўнічы характар, пракаментаваў прычыны змен міністр юстыцыі Алег СЛІЖЭЎСКІ:

— Беларусь — міралюбная дзяржава, якая захоўвае нейтралітэт і ні ў якім разе не разглядае агрэсію як спосаб сваёй палітыкі. Неабходна прывесці выкананне гэтай часткі сімвала герба ў адпаведнасць з такой палітыкай.

Выкананне паралеляў і мерыдыянаў на зямным шары, што месціцца на гербе, таксама выклікае пытанні, асабліва ў выпуклай выяве, — складваецца ўражанне, што яны знаходзяцца нібы над планетай, а сама Зямля змешчана ў клетку.

— Такія нюансы выклікаюць не заўжды правільныя асацыяцыі. Таму герб павінен быць выкананы ідэальна і ўспрымацца пазітыўна. Таксама больш дасканала будуць вымаляваны некаторыя асобныя элементы, — дадаў міністр.

Калі змены ў законапраект прымуць, змена сімволікі не абыдзецца за дзень — на гэта выдзеляць пэўны прамежак часу.

Ірына СІДАРОК

Выбар рэдакцыі

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа... 

Калейдаскоп

Правілы чамадана. Парады па зборы ў адпачынак ад розных спецыялістаў

Правілы чамадана. Парады па зборы ў адпачынак ад розных спецыялістаў

 Куды б вы ні накіроўваліся, пытанне «Што пакласці ў чамадан, а што пакінуць дома?» цяпер актуальнае для многіх.

Культура

Рэктар БДУКМ Наталля Карчэўская: Мая работа — гэта творчасць кожны дзень!

Рэктар БДУКМ Наталля Карчэўская: Мая работа — гэта творчасць кожны дзень!

«Жанчыну, якая займаецца танцамі, відаць здалёк!»