Вы тут

Дэпутат Андрэй Савіных: «Вуліца» — гэта шлях нікуды


Старшыня Пастаяннай камісіі Палаты прадстаўнікоў Нацыянальнага сходу Беларусі па міжнародных справах Андрэй САВІНЫХ адзначае імкненне выбаршчыкаў да абмеркавання рэальных праблем.


— За гады незалежнасці Беларусь сапраўды здзейсніла вельмі сур’ёзны рывок наперад у сваім развіцці. Не заўважыць гэта можа толькі невідушчы — таму што развіццё адбылося і па кірунках эканамічных, структурных, інфраструктурных, культурных, спартыўных, у міжнародных адносінах... Змянілася ўсё: краіна сапраўдны ўстала на ногі, у краіне з’явіліся традыцыі дзяржаўнасці, суверэнітэту. Мы здолелі кансалідаваць асноўныя грамадзянскія інстытуты нашага грамадства, і сёння можам вельмі ўпэўнена адчуваць сябе на міжнароднай арэне.

Прычым зрабілі мы гэта ўсё не дзякуючы багатым прыродным рэсурсам, а ўласнай працы. Я разумею, што камусьці магло б хацецца большага, а дастатак, напэўна, мог бы быць большы, але гэта тое, чаго мы дасягнулі самі. Гэта вынік нашых сумесных намаганняў. Нам няма каго вінаваціць — як, увогуле, і ўдзячныя мы мусім толькі самім сабе.

Сацыяльнае развіццё і сацыяльная згода ў грамадстве дасягаецца дастаткова складаным і карпатлівым шляхам. Толькі праз дыялог, сістэмную працу — на вуліцах такія рэчы не вырашаюць. Хутчэй, «вуліца» — гэта шлях нікуды, шлях, які хутчэй за ўсё прывядзе да парушэння дэмакратычных традыцый, якія толькі-толькі пачалі фарміравацца ў Беларусі, да разброду і хістання. І мы можам згубіць усё, што маем.

Мы мусім гаварыць шчыра і сумленна пра ўсё — не толькі пра дасягненні, але і пра праблемы. Шмат у чым я бачу, дарэчы, па сваіх выбаршчыках, што яны хочуць бачыць абмеркаванні рэальных праблем, бачыць, як і чыноўнікі, і мясцовая ўлада, і грамадскія арганізацыі з гэтым праблемамі спраўляюцца.

Гэта вельмі сур’ёзны запыт грамадства, і па-за ўсялякіх сумненняў мы павінны на яго адрэагаваць.

Запісала Варвара МАРОЗАВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.