Міністэрства аховы здароўя выключыла яшчэ 12 дзяржаў з пераліку краін, дзе рэгіструюцца выпадкі COVID-19

Зменшаны пералік краін, у якіх рэгіструюцца выпадкі COVID-19, паведамляе Міністэрства аховы здароўя.

З яго дадаткова выключаны яшчэ 12 дзяржаў. Гэта Алжыр, Андора, В'етнам, Кіпр, Куба, Ліван, Маўрыкій, Малайзія, Новая Зеландыя, Сан-Марына, Тайланд, Туніс.

Прэс-служба ведамства адзначае, што людзі, якія прыбылі з гэтых краін у Беларусь, не абавязаныя знаходзіцца ў самаізаляцыі на працягу 14 каляндарных дзён ад даты прыезду.

Прэв’ю: Depositphotos.com