Вы тут

Музычны тэлеканал «RU.TV Беларусь» арганiзаваў пляцоўку для дэманстрацыi сваiх талентаў


Музычны тэлеканал «RU.TV Беларусь» арганiзаваў для маладых артыстаў пляцоўку для дэманстрацыi сваiх талентаў. На працягу месяца юныя выканаўцы ад 4 да 16 гадоў маглi падаць заяўку на ўдзел у новым тэлевiзiйным конкурсе «Гатовы да ЭфiRU», прэм'ерны выпуск якога выйшаў у мiнулую суботу.


— У аснове нашага праекта ляжыць iдэя пра тое, што на шляху да сваёй мары трэба адчынiць некалькi дзвярэй — навучыўшыся чамусьцi новаму, ты зможаш дасягнуць таго, пра што марыш. Для многiх таленавiтых людзей такiмi дзвярыма з'яўляюцца, напрыклад, тэлебачанне, радыё i iнтэрнэт, дзе талент можа ацанiць шматлiкая аўдыторыя. «Гатовы да ЭфiRU» — якраз шанц паказаць, на што ты здольны, i атрымаць вопыт работы на тэлевiзiйнай пляцоўцы, у эфiры музычнага тэлеканала, — адзначае адна з арганiзатараў праекта, прадзюсар i спявачка Настасся Цiхановiч. — У адрозненне ад звычайнага конкурсу, на тэлевiзiйным праекце задача выканаўцаў — перадаць праз камеру гiсторыю сваёй песнi ды разам з тым быць вакальна i артыстычна настолькi пераканаўчым, каб яго пачуў кожны, хто знаходзiцца каля тэлевiзара. Тут патрэбны асаблiвы талент i здольнасцi. У нас работа пачалася яшчэ да пачатку здымак конкурсных нумароў, калi для ўдзельнiкаў былi арганiзаваны майстар-класы па вакале — ад педагога Настассi Конанавай — i акцёрскiм майстэрстве — ад актрысы тэатра i кiно Люсi Асмалоўскай. Паколькi дзецi знаходзiлiся ў розных гарадах, то сустрэчы з майстрамi праводзiлi ў фармаце анлайн. Непасрэдна на здымках усе ўдзельнiкi прадэманстравалi сур'ёзную настроенасць працаваць i вялiкае жаданне перамагчы. Цяпер кожную суботу ўвечары юныя артысты чакаюць падтрымкi тэлегледачоў, бо па правiлах конкурсу аднаго з двух удзельнiкаў фiналу ў кожным выпуску выбiрае тэлеаўдыторыя.

Усяго на прапанову адгукнулася больш за сотню чалавек. Геаграфiчна гэта маладыя спевакi з розных куткоў Беларусi: ад Мiнска да Брэста, ад Рэчыцы да Барысава, ад Мiкашэвiч да Хойнiкаў. Арганiзатарамi вакальнага праекта выступiлi кiнастудыя «Гумарынка» i прадзюсарскi цэнтр народных артыстаў Беларусi Ядвiгi Паплаўскай i Аляксандра Цiхановiча, а яго вядучымi сталi юная спявачка Ганна Юркевiч i шоўмен Аляксандр Серыкаў. Менавiта яны падтрымлiваюць канкурсантаў, апавядаюць (па аўторках у 20.00) у дзённiках пра закулiссе праекта i арганiзуюць сустрэчы з вядомымi экспертамi ў свеце музыкi — прадзюсарамi, спевакамi, клiпмейкерамi, кампазiтарамi, педагогамi, якiя дапамогуць сарыентавацца на шляху да вялiкай сцэны. У кожным выпуску ўдзельнiчаюць восем канкурсантаў, якiя прайшлi папярэднi адбор. Дарэчы, у сувязi з эпiдэмiялагiчнай сiтуацыяй у першым сезоне абмежавалiся анлайн-кастынгам — удзельнiкаў выбiралi па вiдэазапiсах (патрабавалася жывое выкананне любiмай песнi). Галоўным крытэрыем, безумоўна, быў узровень вакальных даных i артыстычных здольнасцяў, але глядзелi таксама i на ўменне трымацца перад камерай.

У першым сезоне канкурсанты дэманструюць свае таленты на сцэне, а ацэньвае iх прафесiйнае журы (з экранаў тэлевiзара), у складзе якога — Георгiй Калдун, Алена Ланская i Хелена Мерааi. Тэлегледачы могуць падтрымаць сваiх фаварытаў, прагаласаваўшы анлайн. Тых, хто набярэ найбольшую колькасць балаў, чакаюць у фiнале шоу. А пераможца атрымае прыз — здымкi клiпа на аўтарскую песню i ратацыю яго на канале «RU.TV Беларусь». Сачыць за развiццём падзей гледачы змогуць у тэлеэфiры кожную нядзелю па суботах у 20.00, а таксама ў iнтэрнэт-прасторы — Instagram@gotov_k_efiru i на ютуб-канале «RU.TV Беларусь».

Алена ДРАПКО

Фота дадзена арганiзатарамi праекта

Загаловак у газеце: Знайсцi свае дзверы на вялiкую сцэну

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.