Вы тут

Беларускія дызайнеры паказалі калекцыі, прысвечаныя святу Купалля


Лён, папараць-кветкі, празрыстыя тканіны, васільковыя матывы, адмысловыя какошнікі —8 ліпеня ў Мінску былі паказаны тры модныя калекцыі беларускіх дызайнераў, што свае новыя работы прысвяцілі святу Купалля. Ethical Fashion Show #3 — паказ этычнай моды — быў арганізаваны Беларускай палатай моды па ініцыятыве яе старшыні Яніны Ганчаровай.


Этычная, альбо, можна сказаць, свядомая мода, якая мяркуе экалагічную вытворчасць, гуманны падыход да індустрыі і забеспячэнне празрыстасці ўсіх працэсаў, добра спалучаецца з нацыянальнымі матывамі, што, калі гаворка пайшла пра Купалле, былі прадказальна ўзяты дызайнерамі на ўзбраенне.

У калекцыі «Сон у купальскую ноч» аўтарак Паліны Воранавай і Ларысы Атаманавай брэнда Historia Naturalis былі паказаны паветраныя і лёгкія льняныя строі з вартымі асобнай увагі прынтамі.

                

Дызайнерка Наталля Кастрама запрасіла для паказу калекцыі «Калыханка» мадэляў розных узростаў — ад маладзіц да жанчын элегантных гадоў — і апранула іх у шаўковыя напаўпразрыстыя спадніцы і сукенкі, аздобіла гэта аксэсуарамі з лямцу і дадала своесаблівыя какошнікі.

                    

У калекцыі «Васільковая» аўтарка Арына Ромбак ўзяла традыцыйныя формы і выканала іх з выкарыстаннем васілька ў колерах і арнаментах.

Дэфіле адбылося на адкрытай прасторы ў парку Dipservice Hall — праз каранавірус падзея была камернай і меркавала абмежаваную колькасць гасцей. Наведвальнікі тым не менш праз свае строі і вянкі на галовах таксама падладзіліся пад купальскую тэму. 

Вольга МІЦКЕВІЧ

Фота Аляксея ІСАЧЭНКІ

Выбар рэдакцыі

Грамадства

«Лепшы цюнінг для машын — правільны пратэктар шын»

«Лепшы цюнінг для машын — правільны пратэктар шын»

Менавіта пад такім слоганам будзе праводзіцца Рэспубліканская прафілактычная акцыя, якая ініцыяваная на нашых дарогах Дзяржаўтаінспекцыяй краіны. 

Грамадства

Зімовы асартымент. Колькі каштуюць «вітаміны» на «Лебядзіным»

Зімовы асартымент. Колькі каштуюць «вітаміны» на «Лебядзіным»

З якімі прыкметамі вы звязваеце набліжэнне зімы? 

Грамадства

Якiя нашы звычкi шкодзяць здароўю i знiшчаюць iмунiтэт?

Якiя нашы звычкi шкодзяць здароўю i знiшчаюць iмунiтэт?

Мы ў жыццi шмат чаго робiм, што пагаршае наша здароўе — або адразу, або ў аддаленай перспектыве.