Вы тут

Пяць спектакляў, якiя можна ўключыць у расклад наступнага тыдня


Эпiдэмiялагiчная сiтуацыя працягвае абмяжоўваць нашы рухi цела, але быццам бы ўжо дазваляе выбiраць памiж анлайн- i афлайн-мерапрыемствамi. Наяўнасць выбару, трэба сказаць, значна аблягчае самаiзаляцыю: цяпер тэатральныя трансляцыi можна глядзець не толькi вымушана, але i праз свядомае рашэнне — такiм чынам плюсы спектакляў на канапе становяцца яшчэ больш вiдавочныя. Мы чарговы раз глянулi на афiшу i выбралi для аматараў сцэны некалькi варыянтаў трапiць у тэатр на наступным тыднi, як анлайн, так i афлайн. Гэтым разам мы працягваем даследаваць рэпертуар беларускiх калектываў, зноў уключаем трансляцыю з Лондана i iдзём у берлiнскую «Камiчную оперу».


«Радзiва «Прудок» у Купалаўскiм

У свой час i кнiга Андруся Горвата, i пастаўлены па яе матывах аднайменны спектакль на Камернай сцэне Купалаўскага тэатра выклiкалi пэўны, давайце скажам, выбух. Дзiўная, складзеная з фэйсбучных пастоў лiтаратура дэбютанта стала бестселерам i сабрала за сабой вялiкiя чэргi, а пастаноўка Рамана Падалякi, таксама дэбютная, з касманаўтамi на вясковым ложку стала гастрольным хiтом. Быў яшчэ створаны камандай Купалаўскага кароткаметражны фiльм «Ягор» (рэжысёрамi выступiлi Раман Падаляка i Мiхаiл Зуй, а сыгралi ў iм акцёры тэатра), уключаны ў праграму кiнафестывалю «Лiстапад». Паказ «Радзiва» адбудзецца ў панядзелак 13 лiпеня — i гэта тым больш дарэчы, бо на мiнулым тыднi стала вядома, што кнiга Андруся Горвата атрымае паўнавартасную экранiзацыю — яе рэалiзацыяй зоймецца «Першая кiнавiдэакампанiя», а бюджэт на здымкi выдзелены дзяржавай. Адным словам, справу маем з феноменам сучаснай беларускай культуры, якi трэба калi не любiць, то хоць бы ведаць.

«Сiрожа» ў РТБД

Мы пакуль распараджаемся толькi некалькiмi адкрытымi для гледачоў сцэнамi. Яны ўсё тыя ж, затое якiя: апроч Купалаўскага ў сталiцы свае спектаклi дэманструе Рэспублiканскi тэатр беларускай драматургii, i на наступным тыднi тут будзе паказана адно з, пэўна, найлепшых яго тварэнняў апошняга часу. Пастаноўка Аляксандра Гарцуева «Сiрожа», якая, мiж iншым, iдзе тры з паловай гадзiны, пачынаецца ў 1980-х, дзе Алiмпiйскiя гульнi, смерць Высоцкага, пахаванне Машэрава, «iнтэрнацыянальны абавязак» у Афганiстане i iншае. А працягваецца праз трыццаць два гады, калi галоўныя героi — у пачатку звычайныя студэнты, што жывуць у адным iнтэрнатным пакоi, — могуць паказаць, хто з iх па жыццi перамог, а хто прайграў. Пераможцам акажацца вельмi спецыфiчны персанаж Сiрожа, але пытанне ў тым, цi будзе ён у такой якасцi прыемны гледачу.

«Цiхi шоргат сыходзячых крокаў» у Брэсцкiм акадэмiчным тэатры драмы

Зробiм лагiчны пераход: у РТБД, пра якi толькi што iшла гаворка, некалькi гадоў таму была паспяхова ўвасоблена п'еса Дзмiтрыя Багаслаўскага «Цiхi шоргат сыходзячых крокаў» — гiсторыя на сутыкненнi рэальнага i iрэальнага светаў, дзе галоўны герой пакутуе ад нявызначаных стасункаў з бацькам. Цяпер п'еса з'явiлася таксама ў рэпертуары Брэсцкага акадэмiчнага тэатра драмы — прэм'ера спектакля рэжысёра Дзянiса Фёдарава адбылася 8 лiпеня, а наступны раз пастаноўка будзе паказана 19-га. Трэба нагадаць, што Дзмiтрый Багаслаўскi — адзiн з самых значных сучасных беларускiх драматургаў (выступае таксама ў якасцi рэжысёра), а яго п'еса «Цiхi шоргат сыходзячых крокаў» аказалася ў лiку пераможцаў Фестывалю маладой драматургii «Любiмаўка-2012» i была адзначана на тэатральным фестывалi «Залатая маска».

«Глыбокае сiняе мора» ў Нацыянальным тэатры ў Лондане

«Глыбокае сiняе мора» ў Нацыянальным тэатры.

З Лондана ў час каранавiрусных абмежаванняў транслюецца адна з найшыкоўнейшых праграм, i ўсё гэта не без заслугi Нацыянальнага тэатра, што рэгулярна мiльгае ў нашых падборках. Да 16 лiпеня на YouTube-канале калектыву можна паглядзець пастаноўку надрыўнай п'есы Тэрэнса Рэцiгана «Глыбокае сiняе мора» — гiсторыi адной жанчыны з Лондана 1950-х, калi ў грамадстве ўсё яшчэ моцна адчувалiся наступствы Другой сусветнай вайны. Галоўная гераiня, рэспектабельная жанчына Хестэр Кольер, замужам за вядомым суддзёй, але ў пэўны момант кiдае сваё наладжанае жыццё дзеля былога ваеннага пiлота, якi, у сваю чаргу, кiдае яе. Выкiнутая са свайго ранейшага кола жанчына аказваецца адна i сам-насам са сваiмi страсцямi. П'еса была напiсана ў 1952 годзе i сваю гiсторыю з тых часоў выпiсвае актрысамi, што iгралi Хестэр Кольер. У пастаноўцы Нацыянальнага тэатра галоўную ролю выконвае Хэлен МакКроры. Запiс, як звычайна, суправаджаецца англiйскiмi субцiтрамi.

«Яўген Анегiн» у «Комiшэ опер» у Берлiне

Хто такi дэндзi Яўген Анегiн i што за кампазiтар Пётр Чайкоўскi, расказваць, думаю, не трэба. Але варта сказаць пару слоў пра тэатр з цэнтра Берлiна «Комiшэ опер», альбо «Камiчная опера»: ад самага свайго стварэння ў 1947 годзе ён пачаў пазбаўляцца ад тэатральных шаблонаў i традыцый. Яго стваральнiк i рэжысёр Вальтэр Фельзенштайн вырашыў рабiць новую оперу, ставiць перайначаныя класiчныя творы, прыўносiць у акадэмiчнае мастацтва сучасныя павевы i iдэi. Да сённяшняга дня «Комiшэ опер» трымаецца сваiх прыярытэтаў i з iмi лiчыцца адным з найвядомейшых оперных тэатраў Германii, а то i свету. Пазней тут запрацавала i балетная трупа. Пастаноўка оперы «Яўген Анегiн» даступная на сайце тэатра да канца лiпеня — для прагляду ў запiсе можна настроiць англiйскiя субцiтры.

Вольга МIЦКЕВIЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».