Вы тут

Нацбанк прапануе змены ў закон аб гарантаваным пакрыццi банкаўскiх укладаў


Як паведамляе прэс-служба Нацыянальнага банка краiны, на грамадскае абмеркаванне вынесены праект дакумента «Аб змене законаў», якi прадугледжвае карэкцiроўку закона ад 8 лiпеня 2008 года № 369-З «Аб гарантаванай кампенсацыi банкаўскiх укладаў (дэпазiтаў) фiзiчных асоб».


Якiя асноўныя навiны збiраецца замацаваць у вынiковым дакуменце фiнансавы рэгулятар краiны? У праекце прапануецца ўвесцi гарантаванае пакрыццё грашовых сродкаў, размешчаных iндывiдуальнымi прадпрымальнiкамi на рахунках i (або) ва ўкладах у банках з устанаўленнем для гэтай новай катэгорыi ўкладчыкаў абмежавання па суме кампенсацыi.

Акрамя таго, Нацбанк гатовы скарацiць з аднаго месяца да сямi дзён (з даты падачы заявы аб выплаце кампенсацыi) тэрмiн выплаты кампенсацыi дэпазiтаў па заявах, якiя не патрабуюць дадатковага вывучэння. Пры неабходнасцi дадатковага вывучэння захоўваецца тэрмiн у адзiн месяц.

Прапануецца таксама даць фiзiчным асобам, якiя не з'яўляюцца iндывiдуальнымi прадпрымальнiкамi, магчымасць выбару спосабу выплаты кампенсацыi (наяўнымi грашовымi сродкамi ў банку — павераным альбо ў безнаяўным парадку з дапамогай пералiчэння на паказаны ў заяве бягучы банкаўскi рахунак фiзiчнай асобы).

Улiчваючы сур'ёзнасць тэмы, супрацоўнiкi банкаўскай сферы рэкамендуюць павялiчыць з двух да пяцi гадоў працягласць часу, на працягу якога ўкладчыкi маюць права звярнуцца па кампенсацыю банкаўскага ўкладу. Акрамя таго, прапануецца перайсцi да сiстэмы дыферэнцыраваных узносаў банкаў у рэзерв дзяржаўнай установы «Агенцтва гарантаванай кампенсацыi банкаўскiх укладаў (дэпазiтаў) фiзiчных асоб», у адпаведнасцi з якой велiчыня ўзносаў банкаў будзе залежаць ад узроўню рызык, якiя прымаюцца банкамi пры ажыццяўленнi сваёй дзейнасцi. Рэгулятар раiць пашырыць магчымасцi для iнвеставання часова свабодных грашовых сродкаў гэтага агенцтва.

Праўленне Нацыянальнага банка лiчыць, што рэалiзацыя палажэнняў праекта pакона дасць магчымасць павысiць узровень прававой абароны ўкладчыкаў, у тым лiку фiзiчных асоб, якiя выступаюць у якасцi iндывiдуальных прадпрымальнiкаў, палепшыць якасць абслугоўвання гэтых клiентаў, забяспечыць стабiльнае фiнансаванне рэзерву агенцтва, павысiць эфектыўнасць функцыянавання сiстэмы гарантаванага пакрыцця банкаўскiх укладаў насельнiцтва i ўстойлiвасць банкаўскага сектара.

Нацыянальны банк адзначае, што заўвагi i прапановы могуць быць выказаны ў спецыяльнай тэме на прававым форуме Беларусi з 10 да 20 лiпеня 2020 года.

Сяргей КУРКАЧ

Прэв’ю: rce.by

Загаловак у газеце: На грамадскае абмеркаванне выносiцца...

Выбар рэдакцыі

Грамадства

У Беларускім дзяржаўным музеі гісторыі Вялікай Айчыннай вайны адкрылася выстаўка «Бітва за Маскву. Бессмяротнасць подзвігу».

У Беларускім дзяржаўным музеі гісторыі Вялікай Айчыннай вайны адкрылася выстаўка «Бітва за Маскву. Бессмяротнасць подзвігу».

Як адзначыла старшыня Савета Рэспублікі Нацыянальнага сходу Наталля Качанава, Вялікая Айчынная вайна і ўсё, што звязана з ёй, — святое.

Палітыка

Крызіс на мяжы. Уся аператыўная інфармацыя на пятніцу (абнаўляецца)

Крызіс на мяжы. Уся аператыўная інфармацыя на пятніцу (абнаўляецца)

Аператыўная інфармацыя з беларуска-польскай мяжы.

Грамадства

У вясковай школе арганізавалі музей у гонар загінуўшых байцоў Вялікай Айчынай вайны

У вясковай школе арганізавалі музей у гонар загінуўшых байцоў Вялікай Айчынай вайны

Байцы 174-га стралковага палка загінулі пры вызваленні вёскі Шылін.