Вы тут

Дырэктар Брэсцкага ЦМТ: Выхоўваць патрыётаў сваёй Радзімы трэба на сваёй гісторыі


Віктар Іваноў, дырэктар Брэсцкага дзяржаўнага абласнога цэнтра маладзёжнай творчасці:


13 ліпеня мы адкрываем другую змену спартыўнага лагера «Патрыёт», які дзейнічае ў Маладзёжным патрыятычным цэнтры. Пра Цэнтр колькі слоў варта сказаць асобна. Гэта ўстанова, якая аб’ядноўвае намаганні пошукавікоў, гістарычных рэканструктараў, краязнаўцаў, прадстаўнікоў кадэцкага і ваенна-партыятычнага руху у рабоце па захаванні гістарычнай спадчыны і грамадзянска-патрыятычнага выхавання. Цэнтр стаў паспяховым праектам абласной улады і маладзёжнай арганізацыі. Ён адкрыты на тэрыторыі Брэсцкай крэпасці ў адрэстаўраваным будынку, дзе з верасня 1939 года да пачатку вайны размяшчаўся штаб 125-га стралковага палка. Цяпер тут створаны усе ўмовы для вывучэння гісторыі Брэста і крэпасці, а таксама для заняткаў ваенна-прыкладнымі відамі спорту, абслугоўванню турыстычных груп.

Ідэю цэнтра мы з калегамі і аднадумцамі актыўна прасоўвалі, калі я яшчэ працаваў ў абласным камітэце БРСМ, а цяпер, можна сказаць, рэалізую задуманае на практыцы. І вось што хачу сказаць, паводле сваіх назіранняў. Калі школьнікі, падлеткі пабудуць у нас не толькі на экскурсіі, але правядуць тут цэлую змену, яны сталеюць на вачах. Цяперашнія дзеці маюць вельмі прыблізнае ўяўленне аб мінулай вайне, якое найчасцей фарміруецца пад уплывам прагледжаных імі фільмаў. А вось тут, калі яны паходзяць па музеях, ім раскажуць пра канкрэтныя моманты абароны, прыклады стойкасці і мужнасці — гэта выклікае іншыя эмоцыі. Мы маем магчымасць сказаць: вось на гэтым месцы адстрэльваўся знясілены маёр Гаўрылаў, тут загінуў камісар Фамін, а ў гэтым падвале здзяйснялі свой подзвіг ваенныя медыкі.

Тады ў дзяцей узнікаюць канкрэтныя пытанні, з імі можна спрачацца, абмяркоўваць, і тым самым вучыць іх думаць і ацэньваць падзеі. Менавіта тут многія нашы выхаванцы прымаюць для сябе рашэнне, напрыклад, пачаць займацца спортам, каб заўсёды быць у форме і ў выпадку патрэбы стаць абаронцам Радзімы. Думаю, патрыётаў нельга вырасціць на пустым месцы, патрыятызм узрастае на свядомасці, заснаванай на веданні сваёй гісторыі, павазе да мінулага сваёй зямлі і ўменні ацаніць тое, што сёння маеш, што дае табе краіна кожны дзень. У сённяшняй сітуацыі гэта самае важнае.

Выбар рэдакцыі

Эканоміка

Харчовая бяспека. Гародніны і бульбы хопіць усім

Харчовая бяспека. Гародніны і бульбы хопіць усім

Дарэчы, частку гэтай прадукцыі накіруем на экспарт, у прыватнасці журавіны.

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.

Калейдаскоп

Рука, якая трымае калыску, кіруе светам. Тэст да Дня маці

Рука, якая трымае калыску, кіруе светам. Тэст да Дня маці

Мама - гэта галоўны чалавек у жыцці. Мама - гэта дабро і адданасць.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. На гэтым тыдні планавыя мерапрыемствы могуць сарвацца, а вось тое, што будзе атрымлівацца спантанна, пройдзе выдатна.