Вы тут

Пачала працаваць бясплатная гандлёвая анлайн-пляцоўка «Дабрабыт.Трэйдар»


Фiзiчныя асобы цяпер маюць магчымасць ажыццяўляць валютна-абменныя аперацыi на бясплатнай гандлёвай анлайн-пляцоўцы «Дабрабыт.Трэйдар». Цяпер можна прадаваць i купляць валюту па кацiроўках, якiя больш выгадныя, чым курсы ў абменных пунктах i офiсах банкаў.


На гэтай пляцоўцы бягучы курс валют змяняецца ў рэжыме рэальнага часу. Як гэта працуе? Банк атрымлiвае доступ да кацiровак мiжнароднага тэрмiнала Thomson Reuters i на iх аснове ўстанаўлiвае ўласны курс. Для яго характэрная мiнiмальная рознiца памiж цаной пакупкi i продажу. Усе аперацыi на электроннай пляцоўцы ажыццяўляюцца iмгненна ў рэжыме анлайн. Падключыцца да яе можна ў любы час сутак з камп'ютара або наўтбука. Карыстацца сэрвiсам можна бясплатна, няма i камiсiй за рэгiстрацыю i абслугоўванне.

З даступных замежных валют — долары, еўра, расiйскiя рублi. У сiстэме няма абмежаванняў нi па максiмальнай суме, нi па колькасцi здзелак. У банку запэўнiваюць, што гатовыя да аперацый любога аб'ёму. Пры гэтым пляцоўка мае нiзкi парог — гандляваць можна сумай ад 1 долара цi еўра.

Пляцоўка дазваляе ажыццяўляць аперацыi не толькi па бягучых кацiроўках. Таксама магчыма адправiць запыт на iндывiдуальны курс — з банкам можна дамовiцца аб больш выгадных умовах. «Раней, каб дамовiцца аб персанальных умовах здзелкi, неабходна было валодаць сумай звыш 1000 базавых велiчынь (каля 12,5 тысячы долараў), пазванiць у банк i прыехаць у офiс. Цяпер жа дзякуючы новай пляцоўцы можна iмгненна мяняць любыя сумы па выгадных курсах. Прычым можна самастойна вызначаць найбольш зручны для гэтага момант, ажыццявiць здзелку ў любым зручным месцы i не хвалявацца, што курс зменiцца, пакуль вы будзеце ехаць у банк», — падкрэслiў намеснiк старшынi праўлення ААТ «Банка Дабрабыт» Аляксандр Плiтко.

Пляцоўка даступная пры наяўнасцi любога адкрытага фiнансавага прадукту ў банку. Ажыццяўленне здзелак адбываецца па бягучых рахунках. Адкрыць iх можна ў мабiльным або iнтэрнэт-банку, а таксама на самой пляцоўцы. Клiенты iншых банкаў могуць прыступiць да таргоў пасля аўтарызацыi ў мiжбанкаўскай сiстэме iдэнтыфiкацыi (МСI).

Каб зрабiць сэрвiс яшчэ зручнейшым, у перспектыве плануецца запусцiць мабiльную праграму, актывiзаваць магчымасць правядзення валютна-абменных аперацый з рахункаў, да якiх выпушчаныя банкаўскiя плацежныя карткi, рэалiзаваць навiнны сэрвiс унутры платформы i падключыць дадатковыя знешнiя гандлёвыя пляцоўкi. Апошняе дазволiць паменшыць рознiцу памiж цэнамi пакупкi i продажу валют.

Сяргей КУРКАЧ

Загаловак у газеце: Доступ да валютных таргоў

Выбар рэдакцыі

Грамадства

На Гомельшчыне актыўна развіваюць валанцёрскі рух

На Гомельшчыне актыўна развіваюць валанцёрскі рух

Форма сацыяльнай актыўнасці падлеткаў.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».