Вы тут

Холдынг дрэваапрацоўкі Borwood пачаў пастаўкі ў Мексіку і Ірландыю


Холдынг арганізацый дрэваапрацоўчай прамысловасці Borwood пачаў пастаўкі прадукцыі ў Мексіку і Ірландыю, паведамілі БЕЛТА ў холдынгу.


«Холдынг Borwood аднаўляе аб’ёмы продажу на знешніх рынках пасля спаду попыту, выкліканага пандэміяй і каранціннымі мерамі ў шэрагу замежных дзяржаў. У чэрвені „Беларуская лясная кампанія“ — адзіны аператар продажаў плітнай прадукцыі холдынга Borwood экспартавала тавараў на 49,3 працэнта больш, чым у маі. Адносна мая ў чэрвені больш як у два разы (у вартасным выражэнні ў доларах ЗША) выраслі адгрузкі ў Арменію, Вялікабрытанію, Данію, Егіпет, Кыргызстан, Румынію, Таджыкістан і Харватыю. У час работы па дыверсіфікацыі паставак у I паўгоддзі адкрыты новыя рынкі збыту: пачаты пастаўкі фанеры ў Мексіку і пліт МДФ у Ірландыю», — расказалі ў холдынгу.

Пашыраецца асартымент прадукцыі прадпрыемстваў холдынга. У чэрвені прадпрыемства «Віцебскдрэў» запусціла вытворчасць вільгацеўстойлівых пліт МДФ, на «Мастоўдрэў» апрабавана плёнка рознай шчыльнасці і колеру для ламінацыі фанеры. У ліпені «Мазырскі ДАК» уводзіць у эксплуатацыю чатыры новыя сушыльныя камеры італьянскай вытворчасці.

Холдынг Borwood аб’ядноўвае дзевяць вытворчых прадпрыемстваў дрэваапрацоўкі, лесанарыхтоўчае прадпрыемства і адзінага аператара па рэалізацыі прадукцыі («Беларуская лясная кампанія»). Функцыі кіруючай кампаніі холдынга ўскладзены на даччыную структуру Банка развіцця Беларусі — УП «БР-Кансалт». Больш за 80 працэнтаў прадукцыі прадпрыемстваў холдынга пастаўляецца на экспарт у больш як 40 краін.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».