Авіяцыйныя і чыгуначныя зносіны паміж Беларуссю і Расіяй, якія былі перапынены расійскім бокам у канцы сакавіка ў сувязі з распаўсюджваннем каранавіруснай інфекцыі, будуць адноўлена ў бліжэйшыя дні. Пра гэта БЕЛТА паведаміў прэм’ер-міністр Беларусі Раман Галоўчанка па выніках праведзеных сёння ў Маскве перагавораў з прэм’ер-міністрам Расіі Міхаілам Мішусціным.
«Мы ўзнімалі гэтае пытанне. Расійскі бок маніторыць сітуацыю, зыходзячы са свайго эпідэміялагічнага становішча. Як мы зразумелі, чакаецца, што ў бліжэйшыя дні будуць адноўлены транспартныя зносіны з Рэспублікай Беларусь», — адзначыў Раман Галоўчанка.
Адказваючы на ўдакладняючае пытанне аб канкрэтных тэрмінах адкрыцця мяжы, прэм’ер-міністр Беларусі сказаў: «Канкрэтна пакуль не называюць, просяць пачакаць афіцыйнага рашэння».
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.