Вы тут

Хатняя энцыклапедыя. Гатуем скавароднiк з тварагом i зяленiвам, дамашнюю мацарэлу


Скавароднiк з тварагом i зяленiвам

Спатрэбiцца: кефiр — 400 мл, мука — 500 г, соль — 0,75 ч. л., сода — 0,75 ч. л., зялёная цыбуля — 100 г, тварог — 500 г, яйка — 1 шт., соль, перац — на смак, масла (для змазвання) — 70 г, кiпень.

Гатуем хуткае цеста. Бяром цёплы кефiр, змешваем з содай i адразу дадаём соль. Сумесь пачне пузырыцца — гэта нармальна. Далей дадаём у некалькi этапаў муку, замешваем цеста: яно атрымлiваецца мяккае i лiпкае. Пакiдаем яго хвiлiн на пяць-дзесяць, каб крыху «адпачыла». Пасля, прысыпаўшы мукой, дзелiм на дзесяць кавалачкаў. Зноў, прысыпаўшы iх мукой i трохi распляскаўшы, даём паўгадзiны «адпачыць».

Тым часам зоймемся начынкай. Тварог расцiраем вiдэльцам, каб не было камякоў, iнакш яны не дадуць раскачаць аладкi тонка. Можна перакруцiць яго на мясарубцы. Солiм i перчым, дадаём яйка. Цыбулю наразаем вельмi дробна i змешваем з тварагом — начынка гатовая. Дзелiм яе таксама на дзесяць частак, з кожнай скочваем шарык. У вынiку па аб'ёме цеста з начынкай прыблiзна аднолькавыя. Калi ж начынкi атрымаецца больш, чым цеста, то выйдзе яшчэ смачней.

Пераходзiм да прыгатавання скавароднiкаў. Бяром кавалачак цеста, у сярэдзiну кладзём начынку. Заляпляем краi цеста, пакiдаючы начынку ўсярэдзiне. Нацiснуўшы пальцамi на шарык з начынкай, робiм яго больш плоскiм. Паўтараем для кожнай загатоўкi.

Цяпер бяром першую порцыю i з дапамогай качалкi акуратна раскачваем вельмi тонка ад цэнтра да краю. Затым раскачваем краi. Рэшткi мукi страсаем i абсмажваем скавароднiк на сухой i разагрэтай патэльнi да румянага колеру — па пары хвiлiн з кожнага боку. Калi ён раздзiмаецца, пратыкаем вiдэльцам i смажым далей. Змазваем кожны растопленым маслам i складаем стосiкам.

А каб скавароднiкi сталi мякчэйшыя, можна iх хутка акунуць у гарачую ваду, затым прамазаць маслам i складаць стосiкам. Так масла разыходзіцца менш, а лiшняя мука змываецца.


Дамашняя мацарэла

Спатрэбiцца на дзве порцыi: малако — 1 л, натуральны ёгурт — 100 г, соль — 1,5 ч. л. (можна больш, хто як любiць), воцатная эсэнцыя (25 %) — 1 ст. л.

Малако з соллю грэем, але не даводзiм да кiпення. Дадаём ёгурт, змешваем, налiваем воцат, добра перамешваем i прыбiраем з плiты. Друшляк засцiлаем чыстай марляй, складзенай прыкладна ў чатыры слаi, вылiваем туды згуслае малако (сыроватку не вылiваць!). Добра адцiскаем сыр ад сыроваткi.

Фармiруем шарык з адцiснутай масы, выкладваем яго ў сыроватку, накрываем ручнiком i даём астыць.

Сыр у ёмiстасцi з сыроваткай ставiм на 24 гадзiны ў халадзiльнiк, потым сыроватку злiваем. Захоўваем у закрытым посудзе.

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.