Вы тут

Прэзідэнт: У новай Канстытуцыі трэба прапісаць, што Прэзідэнтам можна стаць толькі пасля службы ў войску


Прэзідэнт Беларусі Аляксандр Лукашэнка сёння наведаў 103-ю Віцебскую асобную гвардзейскую паветрана-дэсантную брыгаду.


Мабыць, усе, хто цікавіцца вайсковай тэматыкай, чулі пра віцебскіх дэсантнікаў. У іх паслужным спісе — і гістарычныя традыцыі, і баявыя паходы, і выбітныя ваенныя.

У сярэдзіне нулявых брыгадай камандаваў старшыня Савета бяспекі Беларусі Андрэй Раўкоў, за савецкім часам тут нёс службу колішні кіраўнік Рэспублікі Інгушэція, намеснік міністра абароны Расіі Юнус-Бек Яўкураў.

Слаўныя традыцыі брыгады, якая бярэ пачатак яшчэ з Вялікай Айчыннай вайны, вымушаюць з гонарам трымацца і сённяшніх прадстаўнікоў дэсантнага братэрства 103-й АГПДБ. Яны пастаянныя ўдзельнікі міжнародных вучэнняў, а частка з іх уваходзіць у адзіную ў краіне міратворчую роту.

Наведваючы брыгаду, Прэзідэнт прапанаваў запісаць у Канстытуцыю, што чалавек, які прэтэндуе на пасаду кіраўніка краіны, павінен адслужыць у арміі. «Як ён будзе галоўнакамандуючым, калі не ведае, што такое армія? — задаў рытарычнае пытанне кіраўнік краіны. — Ну а для Прэзідэнта: не служыў у арміі — значыць там цябе быць не павінна».

Па словах Аляксандра Лукашэнкі, сёння працуюць і над законам «Аб дзяржаўнай службе», прапаноўваючы дзяржслужачых давесці да ўзроўню ваенных. «Чым дзяржслужба адрозніваецца ад ваеннай? Часам яна нават важнейшая. Яны ж хочуць камандаваць арміяй, таму дзяржслужба павінна быць адпаведнай», — сказаў кіраўнік краіны.

Па меркаванні Прэзідэнта, сучасная армія павінна аб’ядноўваць кантрактную і тэрміновую службу. «Там, дзе трэба, яна (армія — «Зв.») уся — на кантракце. Там, дзе патрэбныя нам спецыялісты-кантрактнікі, у нас уся армія — кантрактная. Там, дзе могуць служыць рабяты-тэрміноўнікі, — мы прызываем на тэрміновую службу», — дадаў ён.

Асаблівы акцэнт падчас візіту быў зроблены на дэманстрацыі Прэзідэнту экіпіравання, узбраення, якое выкарыстоўваюць міратворцы. Расказалі кіраўніку краіны пра асаблівасці нясення службы ў міратворчых сілах. На пляцы вайскоўцы прадэманстравалі тактычны эпізод дзеяння міратворчых сіл на пункце пропуску і майстэрства кіравання бронетранспарцёрамі падчас «вальса» БТР.

«Не трэба думаць, што армія будзе страляць супраць народу»

Пра гэта сказаў дзяржаўны сакратар Саўбеза Беларусі, выступаючы на сустрэчы Прэзідэнта з актывам 103-й асаблівай гвардзейскай паветрана-дэсантнай брыгады.

«Не трэба думаць, што армія будзе супраць народу, што армія будзе страляць супраць народу. Не толькі ўзброеныя сілы, але і міліцыя, і АМАП, і ўнутраныя войскі, і пагранічнікі, і іншыя сілавыя структуры — наша задача — не дапусціць гібелі дзяржавы. Не дапусціць кровапраліцця ў народзе. Калі мы гэта дапусцім — значыць мы прайгралі бой», — заявіў Андрэй Раўкоў.</p>

Па словах Андрэя Раўкова, звычайна канфлікт і вайна ў сучасным свеце пачыналіся не са знешняй інтэрвенцыі. 

«Як правіла, яна пачыналася з вуліцы, з плошчы», — сказаў ён.

Марыя ДАДАЛКА

Прэв’ю: БЕЛТА

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.