Вы тут

Каго чакае «Дзiцячае Еўрабачанне — 2020»?


Стартаваў прыём заявак на ўдзел у нацыянальным адборачным туры дзiцячага конкурсу песнi «Еўрабачанне-2020». Сёлета ў палажэннi аб парадку яго арганiзацыi i правядзення з'явiлiся iстотныя змены, якiя варта ўлiчваць патэнцыйным канкурсантам.


Так, у сувязi з санiтарна-эпiдэмiялагiчнай сiтуацыяй у свеце, рэкамендацыямi ЕВС i асаблiвасцямi правядзення дзiцячага конкурсу песнi «Еўрабачанне-2020» у Польшчы зладзiць яго плануюць у тэлевiзiйнай студыi. Канчатковае рашэнне наконт удзелу Беларусi ў iм i фармату выбару прадстаўнiка адкладваецца на максiмальна магчымы тэрмiн, але будзе агучана не пазней чым 7 верасня. Тым не менш распачаўся прыём заявак на адбор. Iх неабходна адправiць у электронным выглядзе да 15 жнiўня (з суправаджальнымi дакументамi i вiдэазапiсам жывога выканання конкурснай кампазiцыi). Фокус-група да 24 жнiўня падвядзе вынiкi i вызначыцца з 15 канкурсантамi, якiя пакажуць сябе ў фiнале адбору.

Фiнал нацыянальнага адбору можа быць праведзены як у фармаце праслухоўвання без тэлевiзiйнай i iнтэрнэт-трансляцыi (не пазней за 15 верасня), так i ў фармаце гала-канцэрта (да 16 кастрычнiка). Калi гэта будзе праслухоўванне, то прафесiйнае журы большасцю галасоў вызначыць пераможцу — афiцыйнага прадстаўнiка краiны на конкурсе. Калi ж адбор правядуць у фармаце гала-канцэрта, то да 1 кастрычнiка Белтэлерадыёкампанiя апублiкуе правiлы выбару пераможцы.

Пры ўзнiкненнi форс-мажорных абставiн i спрэчных пытанняў адносна арганiзацыi мiжнароднага конкурсу ў Польшчы рашэнне аб удзеле цi фармаце ўдзелу ў iм прадстаўнiка Беларусi будзе прымацца Белтэлерадыёкампанiяй сумесна з ЕВС. З палажэннем правядзення нацадбору Дзiцячага конкурсу песнi «Еўрабачанне-2020» можна азнаёмiцца на сайце медыяхолдынга ў раздзеле «Спецпраекты».

Алена ДРАПКО

Прэв’ю: sokrovennik.com

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.