Вы тут

Вялікая вада Аляксандра Рыжова


Жыхар Жодзіна Аляксандр РЫЖОЎ у летнія дні прыходзіць на тэрыторыю спецыялізаванай дзіцяча-юнацкай школы алімпійскага рэзерву па веславанні на байдарках і каноэ, каб патрэніравацца — нетаропка спускаецца да вады, садзіцца ў сваю асабістую байдарку, вяслуе да сярэдзіны ракі. Менавіта ў гэтай школе ў свае падлеткавыя і юначыя гады Аляксандр далучаўся да спорту, а цяпер на базе ўстановы дзейнічае ветэранскі клуб-каманда, які ствараўся пры яго ўдзеле. Сам Аляксандр уваходзіць у групу нашых параалімпійцаў па веславых відах спорту і ўвесь вольны час рыхтуецца да вялікіх і малых спаборніцтваў.


Пасля школы ён паступіў у ваеннае вучылішча, потым стаў афіцэрам. На вучэннях быў цяжка паранены, застаўся без нагі. Але спорт даў мужчыну веру ў сябе, запаліў агеньчык надзеі, у тым ліку і алімпійскай, зрабіў аптымістычным і жыццярадасным чалавекам. Цяпер Аляксандр — вядомая ў горадзе асоба: стварыў і ўзначальвае будаўнічую фірму, дапамагае сацыяльным праектам, на свае зберажэнні ўзвёў прыгожую капліцу-званіцу на месцы разбуранай у шасцідзясятыя гады царквы. Упартасцю ды поспехамі ў спорце, жыццёвай стойкасцю Аляксандр стаў прыкладам для многіх жодзінскіх падлеткаў.

Анатоль КЛЯШЧУК

Выбар рэдакцыі

Эканоміка

Іван Крупко: Забеспячэнне харчовай бяспекі — важнейшы напрамак нацыянальнай палітыкі

Іван Крупко: Забеспячэнне харчовай бяспекі — важнейшы напрамак нацыянальнай палітыкі

 У краіне завяршаецца уборачная кампанія, скончана сяўба азімых культур.

Грамадства

Урач — пра тое, як цяпер праяўляе сябе каранавірус

Урач — пра тое, як цяпер праяўляе сябе каранавірус

«Больш сталі хварэць маладыя людзі, цяжарныя і дзеці».