Вы тут

На «Славянскім базары ў Віцебску» збіраюць «Букет дабрыні»


Дабрачынную акцыю ладзіць дырэкцыя міжнароднага фестывалю мастацтваў сумесна з віцебскім абласным аддзяленнем Беларускага фонду міру. Віртуальны «букет» стане альтэрнатывай традыцыйным кветкам, якіх сёлета публіка не зможа падарыць любімым артыстам — доступ на сцэну Летняга амфітэатра абмежаваны ў сувязі з эпідэміялагічнай абстаноўкай.


«Выказаць свае пачуцці і падзякаваць выканаўцам за іх творчасць можна будзе, беручы ўдзел у акцыі «Букет дабрыні», — кажуць у Цэнтры культуры «Віцебск». — Для гэтага трэба пералічыць на спецыяльна створаны рахунак любую суму грошай, якія вы меркавалі выдаткаваць на прэзенты ці кветкі артыстам». Зрабіць гэта можна як у банкаўскіх аддзяленнях, так і самастойна праз сістэму АРІП — рэквізіты змешчаныя ў дырэкцыі фестывалю і на сайтах gck.by і fest-sbv.by. Усе сродкі, якія паступяць на дабрачынны рахунак, будуць скіраваныя на дапамогу выхаванцам Сенненскай школы-інтэрната для дзяцей-сірот і дзяцей, якія засталіся без апекі бацькоў.

Акцыя «Букет дабрыні», дарэчы, праходзіць у Беларусі і іншых краінах таксама ў Дзень ведаў, калі замест кветак настаўнікам бацькі і школьнікі ахвяруюць грошы на лячэнне цяжкахворых дзяцей.

Вікторыя ЦЕЛЯШУК

Прэв’ю: semicvetic.com

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.