Пастановай Савета Міністраў і Нацыянальнага банка Беларусі ад 15 лiпеня 2020 года № 419/15 прызначаныя прадстаўнікі дзяржавы ў органах кіравання некалькіх банкаў. Адпаведны дакумент апублікаваны на Нацыянальным прававым інтэрнэт-партале.
Міністр сельскай гаспадаркі і харчавання Іван Крупко, міністр фінансаў Юрый Селіверстаў і намеснік міністра эканомікі Анжаліка Нікіціна сталі прадстаўнікамі дзяржавы ў органах кіравання ААТ «Белаграпрамбанк».
Намеснік міністра фінансаў Андрэй Белкавец будзе ў органах кіравання ААТ «Беларускі банк развіцця і рэканструкцыі «Белінвестбанк».
Першы намеснік міністра эканомікі Юрый Чабатар будзе прадстаўляць інтарэсы дзяржавы ў органах кіравання ў ААТ «Тэхнабанк», намеснік міністра фінансаў Уладзіслаў Татарыновіч і намеснік міністра эканомікі Дзмітрый Ярашэвіч — у ААТ «Ашчадны банк «Беларусбанк».
Міністр энергетыкі Віктар Каранкевіч прызначаны прадстаўніком дзяржавы ў органах кіравання ААТ «Белгазпрамбанк», старшыня Дзяржаўнага камітэта па маёмасці Дзмітрый Матусевіч — у ААТ «Беларускі банк развіцця і рэканструкцыі «Белінвестбанк» і ААТ «Прыёрбанк».
Прэв’ю: myfin.by
Мерапрыемства праводзіцца на добраахвотнай аснове.
Не выявіць ні секунды абыякавасці.
