Вы тут

«Калі ты працуеш, не можа быць, каб ты дрэнна жыў...»


Грыгор Адамян, старшыня Гродзенскага рэгіянальнага аб’яднання армян «Мусалер», прадпрымальнік:


— Вось ужо сорак год, як я лічу Беларусь сваім родным домам. Прыехаць сюды параілі мае вайсковыя сябры, і я ні разу не пашкадаваў аб гэтым. Мне адразу спадабалася гэта зямля, людзі, што тут жывуць. Тут, у Беларусі, я атрымаў адукацыю, ажаніўся з беларускай, тут нарадзіліся мае трое сыноў. І яны ўжо напалову беларусы. У мяне ёсць ужо і ўнукі. Я стараўся выхаваць сваіх дзяцей так, каб яны прыносілі карысць не толькі сваёй сям’і, але і краіне. Так і адбылося. Я сам спартсмен, і сыны таксама з дзяцінства займаюцца барацьбой і выступаюць за Беларусь на міжнародных спаборніцтвах. У іх гонар не аднойчы ўздымаўся беларускі сцяг і гучаў дзяржаўны гімн. Двое сыноў атрымалі вышэйшую адукацыю, малодшы ў хуткім часе скончыць юрыдычны факультэт ГрДУ.

У нас сямейны бізнэс у Гродзенскім раёне. Мясцовыя ўлады выдзялілі 120 гектараў зямлі пад садаводства. На сваім вопыце ўпэўніўся — дзяржава падтрымлівае бізнэс, ёсць магчымасць узяць крэдыт пад невялікі працэнт, ёсць падатковыя льготы. Закон дае магчымасць зарабіць, забяспечваць сям’ю і развіваць сваю справу. Галоўнае — добра працаваць і не парушаць закон. Калі ты працуеш, не можа быць, каб ты дрэнна жыў. Нам, хто жыве ў Беларусі, грэх скардзіцца. Тут ёсць усё для таго, каб жыць, працаваць, выхоўваць дзяцей і радавацца ўнукам.

За той час, што я тут жыву, бачу, якія станоўчыя змены адбываюцца ў краіне. Аднаўляюцца гарады і пасёлкі, бачны клопат пра прастых людзей. Пры гэтым значная ўвага надаецца вытворчым аб’ектам. Гэта вельмі складана — захаваць такія магутнасці, як аўтамабільная вытворчасць. Зараз у краіне выпускаюць амаль увесь патрэбны транспарт — ад трактараў, легкавых аўтамабіляў і да тралейбусаў, аўтобусаў, МАЗаў, БелАЗаў...Як бізнэсмен ведаю, наколькі складана даецца развіццё такой канкурэнтнай прадукцыі. Але без сваёй індустрыяльнай базы цяжка будаваць краіну. І гэта трэба захаваць, каб ісці далей. Крок за крокам...

У Беларусі жыве нямала армян. Мы ствараем свае грамадскія аб’яднанні, захоўваем сваю мову і культуру. Заўсёды прымаем удзел у рэспубліканскім фестывалі нацыянальных культур, які праходзіць у Гродне. Мы не адчуваем сябе тут чужымі. Гэта наш другі дом і мы спадзяёмся, што Беларусь і надалей застанецца такой жа талерантнай і цудоўнай краінай, якой мы бачым яе зараз.

Выбар рэдакцыі

Грамадства

Беларуская Амазонка​. Ці стане Палессе аб'ектам сусветнай спадчыны?

Беларуская Амазонка​. Ці стане Палессе аб'ектам сусветнай спадчыны?

Адзін з найбуйнейшых рэгіёнаў, які захаваўся ў некранутым стане і які за разнастайнасць азёр, рэк і балот празвалі Еўрапейскай Амазонкай (ці морам Герадота), усё яшчэ застаецца невядомым шырокаму колу турыстаў

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.