Вы тут

Малююць дзеці Беларусь


Конкурсы дзіцячага малюнка дапамагаюць юным мастакам з розных краін больш даведацца пра нашу краіну


Выстава дзіцячых малюнкаў на Купаллі ў Гервячай

Расказваючы пра жыццё ў суполцы “Крыніца” з літоўскай Клайпеды, у мінулым нумары мы згадалі пра конкурс “Я малюю Беларусь” (“Памятаць і любіць — значыць дзейнічаць” — ГР, 26.06.2020). “Напярэдадні Дня Незалежнасці Беларусі па ініцыятыве Рэспубліканскага Цэнтра нацыянальных культур (Мінск) беларускія грамадскія суполкі Літвы пры падтрымцы Амбасады Беларусі ў Літве зладзілі шэраг імпрэзаў, прысвечаных важнай даце, — напісаў у рэдакцыю Мікалай Логвін, кіраўнік суполкі. — Пад назвай “Я малюю Беларусь” прайшоў конкурс юных мастакоў. Ім апякуецца ў Літве Алена Забельская: намесніца старшыні савета Беларускіх грамадскіх арганізацый Літвы, настаўніца вільнюскай гімназіі імя Францішка Скарыны”.

У конкурсе паўдзельнічалі дзеці й падлеткі ад 3 да 18 гадоў з розных гарадоў Літвы. Спачатку падалі заяўкі, потым дасылалі малюнкі. Прымаліся й фотаздымкі работ: па электроннай пошце. А 5 чэрвеня паказальны ўрок жывапісу, прымеркаваны да важнай даты, у гарадскім Цэнтры нацыянальных культур у Клайпедзе правяла Аксана Юозайтэне: сяброўка суполкі “Крыніца”, мастачка й мастацтвазнаўца. Прычым не толькі дзеці з Клайпедскай беларускай нядзельнай школы “Верасок” былі на ўроку, а ўсе ахвочыя змаглі далучыцца да заняткаў, выказаць пры дапамозе фарбаў свае ўяўленні ды ўражанні (ездзяць на экскурсіі) ад суседняй краіны. Напярэдадні свята журы падвяло вынікі, абвясціла пераможцаў, якія атрымалі прызы. Па выніках конкурсу з малюнкаў зроблена экспазіцыя: здымак зроблены на Купаллі ў Гервячай (гл. стар. 4). Плануюць яе паказаць у розных месцах Літвы і ў Мінску.

Вячаслаў Ігнаценка — кіраўнік дзіцячай студыі

А вось у Кішынёве наш зямляк, вядомы мастак Вячаслаў Ігнаценка вядзе заняткі ў дзіцячай студыі. Яго выхаванцы паўдзельнічалі ў VІІ Міжнародным конкурсе дзіцячага малюнка “Сябруюць дзеці на планеце”. Яго ладзілі Мінадукацыі Беларусі, Нацыянальны цэнтр мастацкай творчасці дзяцей і моладзі, прадстаўніцтва ААН у Беларусі. “Адаслаў 20 малюнкаў 12 дзяцей, і мая выхаванка, Аляксандра Чэра — у прызёрах! — паведаміў Вячаслаў радасную вестку. — Нашай мастацкай студыі будзе у верасні чатыры гады. За гэты час дзеткі падраслі — як знешне, так і ў малюнках гэта відаць”.

Шлях праз мастацтва ў вялікі свет — напэўна, самы прыгожы.

Іван Іванаў

Выбар рэдакцыі

Калейдаскоп

Хутка выпускны! Што выбраць, каб выглядаць годна на галоўным школьным свяце?

Хутка выпускны! Што выбраць, каб выглядаць годна на галоўным школьным свяце?

Пачнём, зразумела, з дзяўчынак, бо менавіта іх мамы ўжо цяпер ламаюць галаву над выпускным уборам дачок.

Грамадства

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Дружалюбнасць да сем'яў і моладзі — важны крытэрый сацыяльна арыентаванай дзяржавы. Круглы стол

Нацыянальным брэндам Беларусі па праве лічыцца сацыяльная падтрымка сем'яў дзяржавай, і таму напярэдадні Міжнароднага дня сям'і прадстаўнік