Вы тут

Філакартычныя памяткі Вялікай Айчыннай


У Нацыянальнай бібліятэцы Беларусі ў пярэдадзень Дня Незалежнасці адкрылася выстаўка вядомага калекцыянера Уладзіміра Ліхадзедава “Вайна і мір. Беларусь памятае. Вяртанне”.


Падзея прымеркавана і да Дня Незалежнасці — 3 ліпеня, і да 75-годдзя Вялікай Перамогі, якое краіна, усё беларускае грамадства святкуюць сёлета. У цэнтры экспазіцыі — філакартычныя альбомы серыі “У пошуках страчанага”, праекта, якім намінант на Дзяржаўную прэмію Беларусі Уладзімір Ліхадзедаў апякуецца многія гады. Кнігі з рэпрадукцыямі старых паштовак дапоўнілі прадметы з асабістага збору калекцыянера — унікальныя рукапісныя дакументы, тапаграфічныя карты, рэдкія кнігі, старыя перыядычныя выданні ды іншыя артэфакты.

Сваімі ўражаннямі ад выстаўкі, ад збораў калекцыянера падзяліліся высокія службовыя асобы, палітычныя й грамадскія дзеячы. На адкрыцці выстаўкі былі сярод іншых добра вядомых у краіне дырэктар Інстытута гісторыі Нацыянальнай акадэміі навук Беларусі Вячаслаў Даніловіч, дырэктар — галоўны рэдактар Выдавецкага дома “Звязда” Павел Сухарукаў, дырэктар сталічнай кнігарні “Акадэмкніга” Вольга Глухоўская, былы Міністр замежных спраў Беларусі Пётр Краўчанка, дырэктар ААТ “Белкніга” Аляксандр Вашкевіч.

Напрыканцы ўрачыстага адкрыцця выстаўкі лаўрэат прэміі Прэзідэнта Беларусі “За духоўнае адраджэнне” Уладзімір Ліхадзедаў перадаў Нацыянальнай бібліятэцы некаторыя артэфакты, зборы са сваёй гістарычнай калекцыі.

Мікола Раўнапольскі

 

Выбар рэдакцыі

Калейдаскоп

«Ураджайны» тэст

Надыходзіць жнівень — самы ўраджайны, працоўны, смачны час. І наш чарговы тэст менавіта пра ўраджай і ўсё, што з ім звязана.

Грамадства

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

Лета выходзіць на фінішную прамую! Чаго чакаць ад надвор'я ў жніўні? Прагноз ад Дзмітрыя Рабава

У жніўні цяпла будзе ўдосталь, але без дажджу і маланкі не абыдзецца.

Калейдаскоп

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. На гэтым тыдні будзе карыснае ўменне аналізаваць сітуацыю і паводзіны людзей і рабіць правільныя высновы. Паспрабуйце быць гранічна сумленнымі з самімі сабой, зніміце ружовыя акуляры. Цяпер пажадана не эпаціраваць навакольных экстравагантнасцю і рэзкімі развагамі. 

Грамадства

Адзін дзень у Вязынцы: вандруем разам са «Звяздой» па Беларусі

Адзін дзень у Вязынцы: вандруем разам са «Звяздой» па Беларусі

У летні час так хочацца на мора, ці, хоць бы ў падарожжа...