Вы тут

Прышчыпваем петунii правiльна


Апошнiм часам стала вельмi модна ўпрыгожваць прысядзiбныя клумбы маляўнiчымi кветкамi, якiя радуюць выдатнымi суквеццямi на працягу ўсяго лета. Да такiх раслiн адносiцца i петунiя, а мноства яе сартоў дазваляе кветкаводам эксперыментаваць i ствараць цiкавыя кампазiцыi.

Аб'ёмныя рознакаляровыя кусцiкi махровых, ампельных, двухколерных i аднатонных петунiй заваявалi сэрцы дасведчаных садоўнiкаў i пачаткоўцаў.


Неабходна адзначыць, што гэтая кветка надзвычай пераборлiвая, яе складана выгадаваць з насення, i нават калi ўдасца атрымаць прыгожую расаду, то гэта яшчэ зусiм не значыць, што раслiна будзе радаваць сваiм выглядам. Для таго каб атрымаць раскошныя квiтнеючыя кусты, петунii неабходна прышчыпваць.

У вынiку прышчыпкi кветка пачынае актыўна выпускаць бакавыя парасткi. Куст ад гэтага выглядае больш пышным, моцным i здаровым. Большая колькасць новых галiнак гарантуе большую колькасць бутонаў i кветак. Пры гэтым павышаецца i якасць цвiцення: яно становiцца доўгiм i багатым.

Першую прышчыпку расады петунii робяць над 4-5-м лiстом, выдаляючы зверху пупышку. Тармажэнне верхавiннага росту выклiкае абуджэнне бакавых пупышак, з якiх пачынаюць развiвацца парасткi. Пры фармiраваннi ампельных петунiй iх таксама карысна прышчыпнуць у фазе 4-5 лiсцiкаў.

Наступную працэдуру прышчыпкi праводзьце пасля таго, як адужэе i аклiматызуецца раслiна, пасаджаная на пастаяннае месца жыхарства. На верхнiм парастку пры гэтым павiнна быць не менш за пяць лiсточкаў.

Неабходна выбраць самы высокi парастак, адлiчыць знiзу тры цi пяць лiсцiкаў, а ўсё астатняе адшчыкнуць. Пункт росту петунii зменiцца: замест таго каб расцi ўверх, яна будзе пускаць бакавыя сцёблы.

Прышчыпка адсоўвае цвiценне прыкладна на 2 тыднi. Але зацвiтае не адна кветачка, а адразу некалькi, i бутоны атрымаюцца буйнейшыя.

Перад тым як прышчыпнуць петунii ў наступны раз, неабходна дачакацца, пакуль куст добра разрасцецца. Каб ён быў гусцейшы, пакарацiце некаторыя бакавыя сцёблы. Атрыманыя чаранкi можна ўкаранiць, паставiўшы iх у ваду i тым самым атрымаўшы дадатковы куст петунii. Галiнкi даволi хутка пускаюць у вадзе каранi, i iх можна высаджваць у адкрыты грунт або асобны гаршчок. Перад пасадкай на раслiне трэба абарваць усе лiсты, пакiнуўшы толькi верхнiя.

Неабходна сачыць за знешнiм выглядам куста. Варта своечасова выдаляць усе завялыя кветкi, таму што яны не толькi псуюць знешнасць, але i перашкаджаюць утварэнню новых бутонаў. Асаблiва гэта актуальна для сартоў з вялiкiмi суквеццямi i махровых петунiй.

Ірына ТАМКОВІЧ

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.