Вы тут

Раім паглядзець


Планетарый: «У глыбіні Сусвету», велаэкскурсія «Начная Лошыца», лекцыя «Геданізм у мастацтве», спектаклі і іншае — афіша «Звязды».


У глыбіні Сусвету

 

Дзе: Мінскі Планетарый, вул. Фрунзэ, 2; planetarium.by

Калі: па 26 ліпеня

Колькі каштуе: 4,80 BYN — дарослы, 4 BYN — дзіцячы

Начное неба, прыгожае і загадкавае, было тэмай апавяданняў, старажытных міфаў і выклікала ў нас трапятанне з пачатку часоў. Жаданне зразумець Сусвет, магчыма, з’яўляецца самым старажытным інтэлектуальным вопытам, што раздзялялі людзі. І ўсё ж, толькі нядаўна мы пачалі па-сапраўднаму разумець наша месца ў неабдымным космасе. Мы запрашаем вас на шоу «У глыбіні Сусвету», каб распавесці вам пра гэтыя шляхі нябесных адкрыццяў — ад тэорый старажытнагрэцкіх астраномаў да самых вялікіх сучасных тэлескопаў.

Рэжысёрам фільма стаў малады кінематаграфіст Тэафаніс Н. Мацопулас. Вы зможаце атрымаць асалоду ад пышнасці розных светаў Сонечнай сістэмы і апантанай лютасці Сонца пад маштабны саўндтрэк нарвежскага кампазітара Джоана Б. Монала. Затым вы пакінеце наш дом, каб рушыць у каляровыя калыскі і месцы гібелі зорак, і далей, за межы Млечнага шляху, да неверагоднай бязмежнасці мірыядаў галактык. На шляху вы даведаецеся пра гісторыю астраноміі, вынаходства тэлескопа і сучасныя гіганцкія тэлескопы, якія працягваюць вывучаць глыбіні Сусвету.

Даведкі


Велаэкскурсія «Начная Лошыца: прывіды старога парку»

Фота Вадзіма Літвінава.

Дзе: г. Мінск

Калі: 23 ліпеня, 22:00

Колькі каштуе: 12 BYN

Змрочныя алеі, якія вядуць да старадаўняй сядзібы, руіны старадаўніх млыноў і злавесныя цені, тапельніца і расстрэлы НКУС, старасвецкія інтрыгі і банкрут маёнтка, наступствы ўрагану і хор жаб у сажалцы — усё, што вам было трэба гэтым выдатным ліпеньскім вечарам!

Расклад:

  • 25.07, 11:00 Па лагеры смерці «Трасцянец»;
  • 30.07, 19:30 Таямніцы Лошыцкага парку.

Кантакты для запісу ў групу:


Геданізм у мастацтве

Дзе: Галерэя ДК, г. Мінск, вул. Герцэна, 2А

Калі: 25 ліпеня, 20:00

Колькі каштуе: папярэдні запіс абавязковы, +375445588585

Светапогляд геданіста — гэта ж і пра каханне: да жыцця, да новага, да іншых, да сябе.

Геданізм у мастацтве паняцце складанае і неаднароднае. Зразумела, найбольш відавочнымі здаюцца яго візуальныя праявы — пачуццёвыя, эратычныя матывы. Але геданізм — гэта яшчэ і ўніверсальны прынцып адносіны да жыцця, дзе духоўныя матывацыі граюць значную ролю. Геданічныя тэндэнцыі могуць выяўляцца як у сукупнасці сваіх агульных рыс, так і ў некаторых элементах асобных твораў.

У новай лекцыі Марыяны Сухавей @artagoni прааналізуеце геданічныя тэндэнцыі ў паказе розных сцэн старымі майстрамі.

Пагаворыце аб цудоўных фавістах і іх радасцях жыцця. Разбярэцеся, як звязаны Маціс і французскае «галантнае стагоддзе». Успомніце святло імпрэсіяністаў і іх імкненні да задавальнення. Арганатары не абмінулі ўвагай і грэкаў, і прэрафаэлітаў і многіх іншых!

«Прырода паставіла чалавека пад уладу двух суверэнных уладароў: пакуты і радасці. Яны паказваюць, што нам рабіць сёння, і яны вызначаюць, што мы будзем рабіць заўтра».

Дык чаму б не паспрабаваць пазбягаць болю і не аддацца ва ўладу праўдзівага мастацтва?!

artdk.by


Тэатр імя Яўгена Вахтангава. Спектаклі анлайн

culture.ru

Дзе: vakhtangov.ru

Калі: па 29 ліпеня

Колькі каштуе: бясплатна

31 мая тэатр завяршыў свой перад’юбілейны 99 сезон, які нечакана перапыніўся з-за пандэміі і які стаў за ўсю амаль стогадовую гісторыю Вахтангаўскага тэатра самым кароткім. І хоць лета — час адпачынкаў, а ў тэатры, па традыцыі, праводзяцца рамонтныя работы, ён, хай і ў рэжыме online, застаецца з вамі і працягвае трансляцыі спектакляў.

  • Гарачае сэрца — 22 ліпеня а 19:00
  • Бераг жанчын — 26 ліпеня а 19:00
  • Цар Эдып — 29 ліпеня а 19:00

Вахтангаўскі тэатр неаддзельны ў сваёй творчасці ад векавой айчыннай культуры і, разам з тым, ён глядзіць у заўтрашні дзень, застаючыся верным запавету свайго заснавальніка, выбітнага рэжысёра Яўгена Вахтангава — жыць праблемамі сучаснасці.

Тэатр Вахтангава — гэта спалучэнне яркай формы і глыбокага зместу, гэта жанравая разнастайнасць, ад класічнай трагедыі да гарэзнага вадэвіля; гэта выдатная трупа.

У маладым запале яго артыстаў і рэжысёраў (карыфеяў і навабранцаў), у імкненні разабрацца ў складаных маральных праблемах, абуджаючы ў няпросты сённяшні час добрыя глядацкія пачуцці, у шматкаляровай тэатральнасці і заключаны сакрэт творчага даўгалецця тэатра.


Музей мастацтваў і дызайну

Фота з сайта музея. Eva Heyd

Дзе: collections.madmuseum.org

Калі: у любы час

Колькі каштуе: бясплатна

Музей мастацтваў і дызайну (MAD), які базуецца ў Манхэтэне, Нью-Ёрк, збірае, адлюстроўвае і інтэрпрэтуе аб’екты, якія дакументуюць сучасныя і гістарычныя інавацыі ў рамяство, мастацтва і дызайн.


Выстава «Юрый Аненкаў. Рэвалюцыя за дзвярыма»

Дзе: rusimp.su

Калі: па 22 жніўня

Колькі каштуе: бясплатна

Чарговы блокбастар ад Музея рускага імпрэсіянізму прысвечаны мастаку Юрыю Аненкаву, чыя кар’ера ахапіла большую частку XX стагоддзя. Гэта сапраўды ўнікальная выстава, на якой сабраны яго работы, раскіданыя па многіх калекцыях у розных краінах. Сярод іх тры работы з Цэнтра Пампіду ў Парыжы, знакамітая серыя партрэтаў палітыкаў і дзеячаў культуры і ілюстрацыі да паэмы Блока «Дванаццаць», дзякуючы якім Аненкаў атрымаў шырокую вядомасць.

Зыбіцкая анлайн

Дзе: bulbashbar.by

Калі: пастаянная экспазіцыя

Колькі каштуе: бясплатна

«Вуліца Зыбіцкая — сімвал горада, яго турыстычны і тусовачны цэнтр. У мінулым годзе на майскія святы Мінск трапіў у топ-3 гарадоў для наведвання расійскімі турыстамі з суседніх краін, у гэтым годзе яго вуліцы пустыя», — распавялі арганізатары праекта.

Зараз на Online Зыбіцкай 24/7 працуюць кактэйль-бар «Bar Duck», бар «Курылка», лаўндж-бар «Чайны п’яніца» і гастрабар «Палугар». У кожнай установы па 10 асабістых пакояў для сустрэч у звыклай для наведвальнікаў атмасферы.

Можна далучыцца да размовы з незнаёмцамі за віртуальнай барнай стойкай, наведаць анлайн-івэнт ці забраніраваць «столік» толькі на сваю кампанію — у кожнай установе пакоі № 8—№ 10 прызначаныя для асабістых сустрэч, у колькасці не больш за 4 чалавекі. Распавесці сябрам, у якім бары вы затрымаліся, можна пры дапамозе адмысловых спасылак-запрашэнняў.


Пясочніца

Дзе: г. Мінск, вул. Куйбышава, 45/пр-т Машэрава, 11

Калі: кожны дзень, 12:00-23:00

Колькі каштуе: 8 BYN

Месца, дзе можна пагрузіцца ў атмасферу гарадскога чылаўту, паслухаць музыку, наведаць лекцыі і майстар-класы або паглядзець кіно на вялікім экране.

Там ёсць фотазоны і арт-аб’екты, канцэрты і фестывалі, лекцыі і майстар-класы, кінапаказы і канцэртныя паказы.

На пляцоўцы размешчаны 15 фуд-поінтаў з гастранамічнымі сэтамі па адзінай цане — 8 BYN.

Уваход вольны.

Падрабязней


Cinemascope #shhh 2020

Дзе: Мемарыяльны музей-майстэрня Заіра Азгура, г. Мінск, вул. Азгура, 8

Калі: кожную сераду і пятніцу, 22:00

Колькі каштуе: 7 BYN

Ва ўнутраным дворыку Музея-майстэрні З.І. Азгура працягваюцца сезонныя кінапаказы пад адкрытым небам у межах праекта Cinemascope #shhh.​

  • 22 ліпеня. Незнаёмцы ў цягніку | 1951, Альфрэд Хічкок.
  • 24 ліпеня. Ціхае жыццё | 2013, Уберта Пазаліні.
  • 29 ліпеня. Уладар мух | 1963, Пітэр Брук.
  • 31 ліпеня. Сямейка Адамс | 1991, Бары Зоненфельд.

Адметнай асаблівасцю праекта з’яўляецца выкарыстанне спецыяльных бесправадных навушнікаў, якія працуюць на радыёчастаце. Дзякуючы гэтай тэхналогіі, паказы праходзяць у бясшумным рэжыме і арганічна ўпісваюцца ў існуючае гарадское асяроддзе, не парушаючы спакой жыхароў навакольных дамоў.

Пачатак паказаў а 22:00 (уваход у дворык з 21:40).

Паказы праходзяць пад адкрытым небам, рэкамендуецца браць з сабой цёплую вопратку, пледы. У выпадку дажджу паказы будуць перанесены ў Скульптурную залу музея. У сувязі з агульнай неспрыяльнай эпідэміялагічнай абстаноўкай пры ўваходзе ў памяшканне арганізатары просяць наведвальнікаў апранаць ахоўныя маскі.

Бесправадныя навушнікі можна атрымаць на ўваходзе ў панадворак пры прад’яўленні білета. Напрыканцы сесіі яны падлягаюць вяртанню. Навушнікі падвяргаюцца дэзінфекцыі пасля кожнага выкарыстання.

Усе фільмы ў межах праекта #shhh дэманструюцца на мове арыгіналу з рускімі субтытрамі.

Падрабязней

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».